Accueil - sefarad.org

Salamon de Paris estava en la estrechura

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Salamon de Paris estava en la estrechura !
Sus echos no estavan kaminando komo lo keriya
i marido i mujer teniyan angusyas en kaza...

Un diya arresivyo una letra de su kerido amigo
Mishon de Los Angeles ke les estava dizyendo 
"Basta por mundo tuyo este  Paris !  Ven aki ! 
Vamos a lavorar enjuntos i vas a ver ke vamos
a azer munchas paras ! "

Salamon ni ke penso dos vezes ! Vendyo todo lo
ke teniya en su mano i le disho a Rebekka
"Mira mujerika, me esto indo i te vo eskrivir
kuando el momento va vinir para ke vendas la
butika abasho, la sola koza ke mos kedo, i
saltes en el avion ke te va trayer a mi. !

Dospues de unos kuantos mezes Rebekka arresivyo
una letra de su marido dizyendole :

" Kerida Rebekka, me eskuzo de no pueder
eskrivirte duranto todo este tiempo ma estava
muy okupado kon los echos.  Lavorimos dia i noche
kon Mishon. Merkimos fiado los panyales ke kedaron
de la guerra de Kore por un Dolar, los kortimos
i dospues de todo mos vinyeron a 2 Dolares kada uno.
Los vendimos por 5 Dolares !  Merkimos kamas viejas
a 5 Dolares, los adovimos i se izyeron muevos ! Mos
kostaron 9 Dolares ma los vendimos a 22 Dolares kada
uno.  Agora te puedo arresivir los brasos avyertos
porke ya  estamos en una buena situasyon .
Te abraso  "

Le arespondyo ansina   :

" Mi kerido marido, grasyas por tu letra ke por
fin vino.  Kualo ke te diga.... Ni aki fue tanto
kolay !  No teniyamos nada ya saves....Kaliya
sovrebivir.  Tuve mazal i al lugar de tratar kon
miles i miles de panyales i miles i miles de kamas
me topi ganando mas paras ke ti kon una sola kama
i sin panyal del todo ! Ke tengas vidas largas i
ganansyas komo lo dezea tu alma. Te abraso "


La vida....
A vezes amarga
A vezes komo chokolata


Karinyozzzzzzzzzzz

Sharope blanco 

- Copyright © sefarad.org - 1997 - 2018

Retour au site sefarad.org -