Accueil - sefarad.org
Loading

Siguiendo con Hanuka …

    MENU    

SEFARAD.org
El palacito de Sonia
RESHETAS
Ayudarnos
LA PÁGINA ANTERIOR

Siguiendo con Hanuka …

Ewa halaquime, sentada sentada, m’acordi que no bos dichi las âdas de hanuka.
Baâda, antes de âlfearbos, sacai las sonajjas pitnaremos chuai.
Dechai las kah’ras y las postemas, awera ghar frajjas !!
Yal’la cantai conmigo :
“Hanuka linda sta aqui
“Ocho kandelas para mi (âued)
“Una kandelika, dos kandelikas, tres kandelikas, cuatro kandelikas “cinco kandelikas, chech kandelikas, siete kandelikas, ocho kandelikas “Para mi
“muchas fiestas vo hazzer “Con alegria y plazzer (âued)
“Una kandelika, dos kandelikas, tres kandelikas, cuatro kandelikas “Cinco kandelikas, chech kandelikas, siete kandelikas, ocho kandelikas “Para mi
“Los pastelikos vo comer “Con almendrikas y la miel (âued)
‘’Una kandelika, dos kandelikas, tres kandelikas, cuatro kandelikas ‘’Cinco kandelikas, chech kandelikas, siete kandelikas, ocho kandelikas ‘’Para mi

Aiwa, no t’apares, siguiremos con “Rahel Lastimozza”...Por los saddikim “Rahel Lastimozza” ez el rey de los cantares. No hay fiesta, alhenia, cercusion, fadas, tefelimes, cumpleanios ... que no se cante.
Wa ueno, ya l’ohi, no toppees al bassel ! Ya te voy a dizzer las âdas Se come todo lo que sta frito en azzeite pa mor d’acordarse de l’azzeite que se hayo n’el templo, y con que s’ensiende la hanukia.
En Alkazar, y Larbaâ, se hazzian makrotes. Se freian y cayentitos se untaban en assucuar au miel. Y no te pasaban sin la gota de te con hierba buena y chiva. Otro dia se mercaban en el sokko unos sfenj que te dara vicio. Se vendian amarrados uno tras d’otro con una soguita que se metia por el buraco del binuelo, como un collar.
A vezzes mi abuela los hazzia en cazza y me gustaba mirar sus manos en la masa rala. Yo encuando era chequita queria meter mano pero me dezia : « Te vas a chuar, no me quede para ese dia, alegate, alegate « Tamien pa’l morzzar, se hazzian pastelitos de patata fritos, unos ansina y otros con carne au con atun.
El pescado frito mi abuelo el descansado de papa Mosse, wo lo que le gustasba, ewa pa hanuka pide por boca y toma …
Ya sabis que si queris bos dare las recetas.
Awera stoy âlkeada, voy a serrar las cuertas de mi palacito y me voy a muddar. Ya paso ‘l sereno.

- Copyright © sefarad.org - 1997 - 2017

Retour au site sefarad.org -