NINYA, MANSEVA, MUJER,

 

Una ninya me aspera
Aboltando el kantón
Kon sus jos eskuros
Su media sonriza
I sus manos godrikas
Kon sus pokos biervos
Me dize ke me kere
Ke no kijo se nunka
Komo otras mujeres

Kon su boka pekenya
Me avla del tiempo
De lugares viejos
I kolores muevos
Me apreta en sus brasos
I kere ser
Mi chika ermanika
Amiga fidel...

Una mansevika me mira
De leshos
Kon medios korasones
Para bombonikos
Kuviertos de sales
Banyados de dulzes
Rekodros de pasos
Ke oy kaminan por debasho

Una ninya me aspera
Para kuvijarse
Una manseva a me bushka
A rekonsiliarse
La miro, me mira...

Una mujer se topa
Kon su propia imajen

Viviana Rajel Barnatán

Retour au sommaire


- Copyright © 2007: Moïse Rahmani -