En muestro mundo komo sesh miljardes de personas biven. Mas o menos la mitad de extos son las mujeres. En kurto, loremos dizir he mujeres i hombres son de la mezma kuantidad ke bivimos en muestra planeta. En la lieratura en la historia i indimas en el folklor se ....... los entelektuales muy muncho por las mujeres.
Munchos eskritores yamaron a las mujeres el elemento flako de la umanidad (le sexe faible). Siertas las yamaron el elemento hermoza (le beau sexe).
Tenemos delantre mozotros los dies livros del historiano i folkloristo muy nombrado en el mundo. Muestro historiano se yama " Guy Breton ". Estos dies livros forman una " Historia de las mujeres de Fransia " si se puede dizir ansi. El nombre en franses de su la voro lo yamo : " Histoires d'Amour de l'histoire de France " I en ladino la traduksion : " Las historias de amor de la historia de Fransia ".
Estos livros aparesieron en Paris en los anyos 1965-1968 en las edisiones " Noir et Blanc ".
Estas estoryikas ke mas konta Guy Breton son bazadas a la verdad, bazadas a los dokumentos. En meldando estos livros mos devemos kreyer ke la historia en Fransia fue las mujeres ke la izyeron. En la Fransia mos konta el eskritor munchas gerras eklataron por una ermoza mujer, por el kapris de una metres o por los embralyos de siertas mujeres, amigos de los reyes ete.
I en los palasios de la Ingletiera no uvo bastante embrolyos kavzados por siertas mujeres ? In en los palasyos de los ..... Turkos no fue la mezma koza ?
La istoria judiya empreso kuatro mil anyos antes. El primer djudio konosido en el mundo fue Avram Avinu. Avraam Avinu alkunya no teniya. No era moda en akel tiempo de tenes alkunyas. Ma ya savemos ke era el ijo de " Terah " i injeto de " Nahor ".
En la istoria judiya empesando de Avraam Avinu i fin ke arivamos a Moshe Rabinu el primer rolo fueron solo los ombres ke jugaron. El rolo de Moshe en la relijion judiya fue muy grande. Los Djudios relijiozos se krezen ke los primeros sinko livros de la ley son ente ramente eskritos por Moshe Rabinu.
Los Djudios kon Moshe a sus kavesera salieron del esklavaje de " Paro " en Ejipto i entraron al dezierto de Sinay.
En la montanya de Sinay Moshe se enkontro el " Santo Bendicho El " i avlaron frente kon frente. Muestro Dio le ambezo a Moshe la relijion Judia i le izo eskriver las leyes santas de la Tora. Los Djudios se krezen en esto.
En muestro Biblia, pasa esta fraza konosida por todos los Djudios : " Al Pi Adonay Be Yad Moshe "
I en Judeo-espanyol de Boka de muestro Dio i de Mano de Moshe. En kurto muestro Dio la dikto a Moshe la relijion Judia.
En la relijion i historia de los Djudios los hombres djugan el prensipal rolo. Tambien en el krisianismo i en el Islam el primer rolo reviene a los hombres.
En estas tres relijiones monoteistas el Dio es de " Jenero Maskulino ".
Por ezzempio los fransezes dizen : " Le Bon Dieu - El Buen Dio ". Los Turkos dizen : " Allah Baba - El Padre Dio ".
Moshe, Jesus i Muhammed fueron hombres.
Todas las profetas (los neviyim) de nuestra historia, de muestra relijion fueron hombres.
Destemodo en el Krisianismo los kuatro Apostolos ke vinyeron despues de Jesus fueron hombres, ansi ke sus dodje amigos los knalos estuvieron endijuntos kon Jesus fueron todos hombres.
En el Islam los kuatro (Calife) kalifes ke vinyeron despues de Muhammed fueron hombres.
Los ke fueron yamados en el Islam " Hulefai Rashidin, los primeros califes ". I sus nombres fueron : " Ebubekir, Omar, Osman, Ali ".
Tambien en la trajediza de Kerbela ke pasa los dos famozos nombres : Hasani Huseyin fueron hombres etc, etc...
En la relijion judiya para azer una orasion en el kal, en una kaza en un " Meldado " se tiene de menester ke esten porezente " los dies ". Kere dizir lo mas poko sin aver dies personas no se, puede azer una orasion.
I estos dies deven ser todas hombres acdados a lo poko de tredje amyos. Kere dizir ke un ijiko acdado de mas de tredje anyos ya es konsiderade en muestra relijion kome un hombre i ya puede ser uno por el " Minian " sigun dizimos mos mozotros los Djudios. En muestra relijion las mujeres no tienen rolo en " El Minian ".
Por no alargarmos muncho en esta kesion vamos avlar solo del matrimonyo en todas las relijiones. Kuando ay un kazamiento el nombre de famiya de los dos muevos kazados fue akseptado en el mundo entero la " Alkunya del hombre ".
Agora desharemos la relijion un sierto tiempo. La importansiya de la mujer en el mundo entero puja en hada diza. Kontaremos unas kuantas ke djugaron el primer rolo en la politika de sus puevlos : " GOLDA MEIR " en Israël, " INDIRA GANDI " en la India, " TATCHER " en la Inglettera.
No mos olvidamos ke la sinyora Tansu Tchiller el primer ministro en Turkiya, muy apresiada en Turkiya i en el mundo entero.
No puedemos eskapar esta eskrita si no avlamos un poko de la mujer en el folklor de todos los puevlos.
Mi eskuegro diziza : " No se puede bivir " " Ni sin eyas, ni con eyas ". Esto lo diziza por rizir, ma ya lo diziza... Las konsejikas ke se kontan por las eskuegras ya son famozas en el mundo entero. " Eskuegra ni de barro buena ", Kunyadika kukevrika etc...
" Ma, kazamiento sin muyer no ay ".
" Famiya formar sin mujer oro ay ".
" Tener ijos sin mujer no ay ".
" El rey no egziste si no tiene la reyba ".
Terminar mis palovras en una dicha ke tengo sintido en las juderiyas de Turkiya.
" El Meoyo de la mujer es poko
Ma el ke no la oye es loko ".