El Salom publikado por su fondator Avram Leyon se se mentuvo fina el anyo 1983 en lingua Judeo-Espanyol), i fue reformado en 1984 kon un kuadro direktorial nuevo, esta vez publikado en lingua turka en el 85% i el 15% de kontenido en lingua Judeo-Espanyola, kuaji un sola pajina, en su totalita de 8 a 12 pajinas.
Esta nueva forma de publikasion permetio el Salom de ganar la odensia de kuaji la totalita de la komunidad Cudia de Turkiya.. Esta publikasion apresiada de todos ofrese a sus lektores novelas en una perspektiva objektiva, ariento de un panorama de aktuailita Israeliana, diversas informasiones de las komunidades cudias biviendo en la Diaspora, komentarios sovre las fiestas i las kustumbres cudias, aribiviendo la memoria sovre los evinimientos historikos i enforma el publiko sovre las manifestanioses kulturalas, sosyales i atistikasd de la kollekdividad cudia de la Turkiya.
La odensia del Salom oy es de 4000 abonados donde los 350 sojn el estranyero, 60% de famiyas judias en Turkiya lo siguen, lo meldan kon grande entereso.
En desparte de la publikasion del periodiko, la sosyeta Gözlem dirija siertas aktividades ke son dependientes del Salom, komo sedutas amikavles, konferensias i de vez en kuando organiza reunones en judeo espanyol para mentener biva al grado ke se puede esta lingua.
Se organiza al rededor de esta aktivita un sentro kultural enrikesido de una libreria donde los livros son de natura a enteresar la kollektividad cudia, en linguas turka, franseza, ingleza o en judeo-espanyola i bien entendido kon la prezensia de la dikumentasion sovre la herensia kultural del Sefardismo, sin neglijar la importasion de livros estranyeros a este efeto.
Salom tambien se karga de publikar livros en Judeo Espanyol komo antologias de artikolos, livros de poemas i poezias komo livros de otobiografias. Entre tantos se pueden mansionar el livro " Erensya Sefaradi " kompozado de refranes i diças, el Diksinario ke esta por publikar Judio Espanyol - Turko/Turko-Judeo Espanyol, i otros livros folkloriko humaristikos de la kultura judeo espanyola.
De otra parte Salom se siente el dover de sostener de manera moral i material a los grupos de muzika ke se okupan de la muzika Judeo Esoanyola todo en kargandose los gastes de sus kesetas muzikalas.
Somos felices de aver en el kuadro de estas aktividades kulturalas un lokal, un salon, o diremos un Galeria ariento del establisemento del semanario Salom rezervado a las manifestasiones artistikas, komo ekspoziones de pinturas, de ovras de arte, de fotografias para azer konoser a nuestro publiko los artistos cudios.
El salom finanse la publikasion de ovras re tema cudaikos, organiza konferensias sovre la historia cudia debaso de personalidades kompetentes.
Para konkluir, diremos ke el Salom se da por
dover de kreyar un sentro ke resplendese la kultura entelektual.