Keridos Lektores,
Antes de tratar el sodjetto delas solemnidades del Moevo Anio (Roch
Hachanah), tengo a adressar a vozotros,
lektores di este periodiko, mis mijores augurios por Roch Hachanah 5759. Kiera el D. dispensarvos saloud y
alegria de bevir ouna vida de pas y amor.
La solemnidad di Roch Hachanah non es fasil klassarla kon las otras fiestas. Es mizmo diffisil determinar la
natoura di esta fiesta, komo eskrive el selebre Dr. de la Ley, Rashi (Rabbi Shelomo Itzhaki). La razon es ki esta
fiesta non kommemora dengoun evenimiento historiko del poevlo d'Israël, komo la fiesta de Pessah, di Shavouot
o Souccot ni tan poko evoka oun qualquier fakto nasional-politiko komo el kavzo de Hanouka, ki selebra los
aktos hero del Templo di Yerushalaïm.
Portanto, bienke manke di karakter storiko o nasional, Roch Hachanah
abrassa ouna grande importansa por su
karakter spiritual y religiozo. El trasmette a todo el moundo oun messaje di ouna importanza decisiva. Segoun la
tradission el poevlo d'Israël selebra en este dia l'Anniversario dela Kreassion del Moundo. Y segoun esta
preskrito en la Torah. En el primo dia del 7 e mes sera por vozotros, oun dia de konvokassion santa. Vozotros
non arech dengouna ovra servil. Sera por vozotros oun dia di Terua " (onde vash sentir el suono del Shofar .
Nombre 2911). Al suono del Shofar "Ayom arat olam, ayom yaamid bemichpat kol " se melda este passage de la
litourgia yetzoure olam (oy es el anniversario del moundo. Oy si presentaran delantre la joustissia divina todos
los kreados del moundo).
Konsiderando ke este dekreto di Ayom yaamid bemichpat kol yetzoure
olam, ke todo ombre non solo el poevlo
jodio es yamado a presentarse delantre D., djousto, ekitable, inkorruptible y infaillible. El desside de la suerte de
los poevlos .: ken va konosser los afros de la guerra, ken va bivir in pas. Ke poevlo va konosser la ambrera y
qual poevlo va nadar en la abondansa. Ken va bivir y ken va morir, ken en la agua y ken en el fuego.
El poevlo de Israël reunido en sous synagogas, roga D. kon toda fervor (porke le inspire el respekto a todas sous
ovras, y la temor a todas sous kreatouras, porke todos 1os poevlos de oun kommoun akordo formen oun solo
bloko harmoniozo. Ansi el visio sera reduizido al silensio y la maldad desparessera komo el fumo de sovre la
tierra. Ansi los poevlos reanimaran sous korajes y la alegria inondara los korassones. Esta es l'ora messianika
aspirada y augurada por Israël y sous profetas. Israël non konosse la dispassensia, ni el desespero. El moundo es
kondamnado a bevir in PAS. Non es possible ke el ombre kontinoui a bevir aziendo el mal.
En estos dias di Yamim Nora klemensia y miserikordia. Ansi ke esta eskrito en moestra litourgia . "El Meleh yoshev al kisse Rahamim ". El
mos assegoura ke la boendad y el amor por sous kriatouras son los atriboutos y eternelos ornamientos ki El yeva.
Retornaremos a moestro Kreador ke lo negligimos todo el anio. El mos aspera kon brassos aviertos. Rogaremos
a D. en estos dias de grande soleminidad por demandarle kon sentimientos oumildes i sinseros lev taor vera li
Elokim verouah nahon hadesh bekirbi " (Krea en mi oun korasson limpio, D. Mio; y oun esprito perfekto
renouvela en mi). Es por estos boenos sentimientos ke D. effassara moestros pekados, komo el brouillard, i
moestras faltas komo las nouves.
Las santas eskretourias mos ambezan ke los dias redoutables de Roch Hachanah konosieron grande alegria y
momentos de grande entousiasmo. Fue en Roch Hachanah ke touvo logar 1'inauguration del Templo de
Yerouchala poevlo aggradissiendo sous sakrifissios (Rey livro 1, kap. 8, v. 1-22).
Porke Kippour ? Kuanto a Kippour, fue en este dia ke Moshe Rabeno obtouvo el pardon de D. en favor del
poevlo de Israël visto ke El avia desedido de eksterminarlo, por aver adorado el bezero de oro, e ente fue en este
dia, ke Moshe Rabeno abacho del monte de Sinai kon las segoundas Tablas de la Ley. El dia redoutable de
Kippour fue oun dia de immensa alegria, rekonforto y soulaj amiento porke en este dia si renouvelo l'alliansa
d'Israël kon sou D., malgrado el pekado komitido (Talmud Taanit oja 29 b).
Es bien metermos en miente ke D. diskojo el poevlo Israël non por darle mas privilegios ou avantages ke los
otros poevlos, ma al kontrario, El mos dio mas obligasiones porke Israël sea el symbolo, il esempio di Vertud, de
Pas, de Amor y di Joustisia a ojos del moundo.
Kera el D., keridos lektores, aggradiser moestras orasiones en estos dias y ensouflar en mozotros los mijores
sentimientos de amor; rendermos dinios de ser ingrassiados a ojos de moestro Kreador y de la gente.
Seach eskritos en.los livros de saloud, de pas y alegria de bevir.
Amen.