En la noçe perfumada del envereno,
Debaço del sielo entero estreado,
Las palavras de amor i de felesidad
Me semblavan puertas de la Eternidad.
El Eden estava debaso de mano,
Kon fuerte promesa del kierer eterno,
Kreyimos a las curas por fatuidad
Komo fey de anglos a la Santedad.
Los anyos pasan; sin pensar a la vejes,
Ke mos desa desvalido munças vezes,
Ke mos desa desvalido munças vezes
Ariento d'una impotensa ridikul.
Saveazos dezeos ke se kreyen fuertes,
Ke son kalkos palidos de los de antes,
Doloroza, la Volontad del Ciel Azul
Komo un vuelo de golondrinas
Bolan en el sielo, los dezeos
Insatisfeços de los humanos,
Pasan a traves nuestras konsensias.
Anhelos siempre sin esperanzas,
Ke mos hazen sufrir los puerpos;
Buskamos indesentes pretekstos
Para kalmar falsas sufriensas.
Onde estas perfeksion divina
Ke pedrimos kon una manzana ?
Es solo kulpa de Madre Eva ?
Porke mujer kupavala humana
Kuando el hombre, debil krianza
Sin volontad, inyora onde va ?
A este grande mundo de hostilidad
Vine un dia, ma sin ser invitado;
De parientes kerensiozos entornado,
Eyos me ampararon de toda maldad.
En juventud, kreyendome en libertad,
Entregi mi korason ena morado,
Komo triste pasaro enkarselado,
A todas akeyas k'eran sin piyadad.
En el mizmo tiempo, la imajinasion,
Koriya detras fdaldas, no sovre lesyon,
Ke puede aver mejorkoza kel amor ?
Kuando de nieve la frente rodeada
Me veygo, no kero amar, ni amada.
Solo dezea un pokito de dulsor !