Al tiempo de la Inkizision avia en Espanya un rey ke tinla un konsejero djudio de nombre Don Itshak. Este konsejero era muy fiyel al rey i lo konsejava en kozas muy emportantes. Ma el rey tinia un ministro ke se enselava de los Djudios, i sovre todo de Don Itshak. El bushkava siempre de azerle danyo i avlava mal de el, ma el rey no le kreia. Un dia este ministro le disho al rey: "Sinyor rey, yo te vo demonstrar ke Don Itshak no te es tanto fiyel, komo tu kreyes." "Deke?" le disho el rey. "Si por exemplo" le disho el ministro, "tu le vas a demandar kuanto dinero tiene, kuantos palasios tiene, el no te va dizir la verda. Te va dizir una suma muncho mas basha."
"Veremos!" disho el rey i vamo a Don Its.hak i le disho: "Yo kero ke me digas exaktamente kuanto dinero tienes, inkluzos tus palasios i todas tus proprledades. Te do tres dias de tiempo. Aze el kuento i ven a dizirmelo."
Entremientres el rey mando unos kuantos de sus ombres a azer una investigasion para vinir a saver kuanto el tinia exaktamente.
Despues de tres dias estos le trusheron al rey la suma exakta de todo lo ke tinla Don Itshak, inkluzo los palasios i la moneda en banka. Vino Don Its.hak onde rey, i este le disho: "Izites el kuento? Agora ya saves kuanto tienes.". "Si",le disho Don Itshak. "Kuanto?" le demando el rey. Don Itshak le disho una suma muncho mas chika de la ke tinla. "Esto es todo lo ke tienes?" El rey se aravlo muy muncho. Le disho,"Kualo?" "Si, sinyor rey." le disho Don Itzhak. "Tu sos mintirozo!" le disho el rey, "Yo mandi a mis ombresite vo dizir kuala es la suma verdadera de tu proprietad. Tu tienes esto i esto. Sos uno de los la mas rikos de Espanya!", i le disho una suma muy alta.
"Sinyor rey," le disho Don Itshak, " lo ke estasdiziendo es verdad. Yo ya tengo en mis manos esta suma, ma este dinero no es mio, o bien no sera siempre mio. Tu puedes mandar amanyana a tus ombres a tomarme todo el dinero. Yo puedo azer fayita. No es siguro ke esta suma kede siempre en mis manos. Lo ke es siguramente mio es lo ke te dishi." "Eksplikate mijor" le disho el rey. "Sinyor rey", disho Don Itshak, "un dia ayudi a una novia a kazarse, i gasti tanto i tanto; otro ddia; la izi el bar- mitsva de un ijiko, i gasti tanto i tanto otro dia ayudla una famiya prove a merkar lo ke se tiene menester para las fiestas, i gasti tanto i tanto. Este es el dinero ke es realmente mio, i ni tu ni dingun otro no me lo podesh tomar. I mizmo kuando me vo murir, lo vo tomar kon mi". Le disho el rey : "Agora te esto kreyendo!"
El ministro negro fue mandado a la muerte, i Don Itshak kedo siempre al lado del rey.
Kontado por HANA TURDJEMAN 1996.
Del livro "Lejendas de la tradision djudeo-espanyola" de MATILDA KOEN-SARANO (en via de publikasion).