Hilary Pomeray kon su fuerte organiszasyon, i este anyo, komo kada dos nayos, ayego a organizar el 27, 28 i 29 june, en Queen Mary University i Westfield College, en el Departamento de las Buskidas de la Lingua Judeo-Espanyol, el Onzen Kongreso de la Buskidas del Judeo-Espanyol. I yo estuve yamada komo konferansiera.
En el aver, estavan bolando palavras konseranando los Judios del Imperio Ottoman i de la Turkiya : Imperyo Ottoman, Constantinople-Istanbul, Salonik-Selanik, Sultan, Padishah, Atatürk, el Turko, Sefarad, alfabe Rashi, el Hebreo, los Balkanes, Sarayevo, Kavala, Ahrida, no se pueden kontar las diezes i syenes de palavras.
Tres dias, de la 9 de la manyana asta las 9 de la noçe, kaji trenta personas avlaron, empesando de elevos asta profesöres famozos del mundo entero, avlaron en ingles,en espanyol, en Judezmo, una de estas tres linguas, i prezentaron los lavoros ke prapararon. Eyos respektaron la limit del tyempo ke apunto el komite del kongre. Kada siantifisto, avlo, a los otros siantifistos, akademisyenes, linguistos de las üniversitades famozas del mundo, avlo i eskpozo kon grande entusiasmo, sus bushkidas Konsernando la lingua ke avlan los Judios, emprimero en el Imperio Ottoman i despues en la Turkiya moderna. Yo trati de un suje irrezistivle, un suje ke esto investigando de dies anyos para aki, i ke sera mi suje de mi tezis de doktora: 'La Vida de Los Judios de Turkiya del 1850 al 1950'.
I ami me limitaron el tyepo siguramente komo a todos, i yo todo en sudando, kon una pena profonda i kon el kudyo de no mankar a las reglas de la etik, konti los 100 anyos de los Judios de Turkiya, en 10 puntos, kijo dezir ke me kayo un punto para kada 10 anyos. En estos tres dias, Hilary Pomeroy estava kontente, porke 'el saver' ke se pudo obtener en estos tres dias, estava de alta kualidad.
Ken avlo ?
En la inogurasyon el 4 novembre 1984, de la 'Katedra del Judeo-Espanyol', por el Prof. Haim Vidal Sephiha, ke plaso esta lingua deperdida ariento de muestros korasones, el Prof. Sepdhina, de Paris Sorbonne Nouvelle, moz avlo de una konfuzyon grafika konseenando el yeismo. Prof. Tamar Alexander de la Universitad Ben-Gurion de Jerusalem. Dr. John Zemke de la Universitad Missouri de Columbia. Dr. Anathory Librowicz de la Universitad de Quebec de Montreal. Prof. Judith Dishon i Dr Schmuel Refael de la Universitad Bar-Ilan de Kiron de Israel. Dr. Richar Ayoun de la Universitad Sobonne de Paris. Prof. Tracy Harris de la Univeritad Bradley de Illionis. Matilde Gini de Barnatan de Madrid. Dr. Avner Perez de la Universitad Ben-Gurion de Yerushalyim. Dr. Jacob Hassan de CSIC de Madrid. Hilary Pomeray de la Universitad de Queen Mary. Prof Samuel Armistead de la Universitad de California, Davis. Prof. Winfried Busse, de la Universitad de Freie, Berlin. Estos son unos kuantos profesöres de los ke se topavan en el kongre de Quen Mary.
Kon mi, Klara Perahya de Turkiya trato de la lingua avlada. El dirijador de la oja del Judeo-Espanol del jurnal Shalom el poeta Salomon Bicerano, avlo de la lingua poetika i mos meldo unos kuantos de sus poemas . I yo, ekspozi mi bushkida sosyolojik. I mozos los tres, formimos una 'Meza Redonda Turka ' por la primera vez en el mundo.
I yo, no supe ke el Judezmo esta enteresando tanto munço a los siantifistos del mundo, kon una kuriozidad ke va pujando de la psikolinguistik a la historia, de la sosioloji a la antropoloji,... i mas...
-*-