Y resivimos los souvenires del doctor Mayer Yoel, famoso genicologo de Selnik. El murio en esta sivdad, en 1943 en el campo de consentrasion " Baron Hirsch " . Su inieto, moestro amigo Marcel Yoël, mos mandi " Los Souvenires " del papu ke foeren publicados en 1938, en caracteres rashi, en el kotidiano de la maniana, Axion.
En mi tchikes non me passo nunea por idea de hazerme doctor, oh mas presto medico como se dizia aquel tiempo. Que quierias que me atirara en este ouficio ? La vista de los corradores los qualos, condjuben y antari, corrian de casa en casa despartiendo las milizinas segun la enspiracion del momento y segun las declaraciones, moutchas vezes capritchozas delos hazinos ?
Pocos son aquellos de mi generacion que se acodran loque era la medikeria en mouestra edad (y en todo el oriente el resto) antes del arrivo de nos primos doctores diplomados.
Couando ouno no tiene etcho hoy ; oh si descallo ; oh si no es capatche para nada, el se haze corredor de novias, basta, naturalmente que tenga oun pocco de parpar y moutcho vaydaberlik.
Si estos siniores venian co anios antes, no es corresdores de novias que se ian a hazer, sino medicos. Comodo medicos ? Sin estudiar ? Paraque se quieria estudiado anios ? Las hazinouras conocidas eran pocas y la melizina verdadera ouna sola : la natura, que cura todos los males. Bastaba dunque, para tomar nombre saberse empozar y escribir una ritcheta.
A parte de la verdadera milizina, que ya dishe que era la natura, habian otras quatro segundarias ; quatro y no mas. Y esta, como anssi dize el pasouk : 'guarana', para el dolor de cabesa, phinisitin, para dolor de cabesa fuerte, becarbonate de soda para estomago i la famoza sal inglezas, que estempereaba al hazino y lo descargaba el estomago en manco de nada.
Con ouna sencia tanto limitada, non se quieria sido haham para bombardearse doctor. Anssina es que ouno de los mas famozos medicos de aquel tiempo fué el renomado Yitzak Angel, que callo en la mediqueria porque non reousho en el bakalik.
Los medicos non tinian ni manco el prestijo dela aparensia, para poueder atirar a mansivicos como mozotros, que ya habiamos empesado, gracias a mouestros estudios en frances, a entrar en mitzvoth de civilizacion y de Evropa. Yinda me acodro hoy como yia metido el famozo Ilan Bohor Castro con ouna barba enratonada dela quala se iya modriendo los pelos para darse aires de entendido, yo lo via coshtereando a pie, con los sapatos yemos de polvorina. La fez tinia ouna livra de tiniya en los quienares y el koushak de taraboubou tinia mas moutchos tatjiones que oun masseros de meza. De este koushak salian para afouera dos coutis de tinikie. Era la pharmacia amboulante. En el ouno habia invuente blanco para gramos (que non mancavan, gracias al Dio, aquel tiempo, sobre todo en bas carikas de la criatouras). El otro estaba yenos de beladona para los granos mas bitjimsizes y sobre todo para los troujones.
Nos vos bourlesh, los tiempos trocaron moutcho y no sepouede, con la mediqueria de hoy, y sous specialitas, sous enjiksiones, sous radiografias, sous maquinicas para la tansion entender el rolo de mouestros predesesores empiricos, hoy, si me se presenta oun hazino con oun troujonico, ami no me enteresa altanto el troujon, quanto el mirar la cavza que lo provoco, la hazinoura escoundida dela couala puede ser la manisfestacion y las conseguensas longanas que pouede tener. Despoues de haber tocado el troujon, vo a examinar el hazino de pounta de pie asta cabesa, le vo a pozar diversas demandas sobre sou pasado, y si tengo douvdos, oh le vo a encomendar siertas analizes de ourina y de sangre, oh lo vo a mandar ande oun specialista. Con razon, siendo este troujon pouede ser ouna toumor canceroza, oh bien ouna enflamacion de los gangleones, provocada por ouna sifilis, oh ouna prima manisfestacion de la tiquia oh... oh...
Al tiempo de Haham Abraham Abinies, el medico non miraba tanto por gouzano el troujon le enteresaba en si, y el percouraba de hazerlo despareser. Si reoushiva con el oun engouente, bien, sino aprobaba otro, y si el otro non daba rezoultado, melescaba los dos, y si ahinda non obtiniah nada, el Dio ia correr por el coussour.
Y no es que la djentte entendian estas cozas acquel tiempo. Il poublico, no se quiere ni ditcho, era mas inijorante delos medicos. Que caral que quando empesaren ah venir los primos doctores diplomados ( de Stanboul oh de Europa) no vos paresca que tomaren ellos la clientela. Al contrario : los hazinos non tinian ninguna confiensa en estos frankitos sin barba que habian embezado quien sabe qualo, en quien beber qualas habras. Jacques Pascha el mesmo, que trabo para empozourse ? como, portanto, me vino idea de hazerme doctor, justo al tiempo ande non passaban ayinda los medicos diplomados ? Es loque vamos a ver en la seguita
Notes : diflos de pharmacien a 150 liras el ouno.
Que quieres saler ahora como me vino la idea de hazerme dottor, vos dire que no es a mi que me vino , si no ah Haham Shlomo Hagouel, que era, al tiempo de mi tchikes, medico renomado, ma naturalmente, sin diplom. No cale entanto confoundir. El no tiniah nada que hazer siertos hastrones que curaban aquel tiempo las hazinouras de los thessalonikiotes. Aparte de sous conocensias del Talmoud, ande topaba moutchos enseniamentos de medekiria que la cencia demostro que son exactos, Haham Shlomo conocia tambien el français y el tourko. Il se encomendaba de Europa libros de anatomiah, de chimiah, de pharmaciah, y gracias ah estos libros, anssi que ah sou entelijensa y ah sou grande experiensa, ine pouede ser que daba en basho ah moutchos dotores que poudrieron demaziado pantalones en bancos de universita.
En effeto, para entrar en esta escola, se quieria touvido doupio mazal :
1)- Que papico fuera bien estante, siendo no era tchika la mezadica que se pagaba. En las classas grandes se quieria patladeado asta dos correladas el mez.
2) -Ma sobre todo era menester que mi papico, y el deredor de papico, non fueran tontos atrazados ; porque si no guai ! - bastaba que disheras que te quieres ir a la escola de Filarder para que te yamaran cristiano.
Como shastre de estas famillas de grandinos mi padre dounque estaba ganando a pouniados. A cada dos, tres anios, etchaba pie de temel de ouna casa. El ya era dounque ricco de paras.
Sinior Filardir tenia el ouzo de envitar el dia de los examenes a ounos quantos notables, para que vieran los progressos y hizieran oun pocco de reclam ala escola. Or entre los envitados figouraba acquel anio y Haham Shlomo Hagouel, que era mouy contado en los cercles ajenos dela sivdad. En viendome retchitar con moutcha bives ouna poesia italiana el famozo medico se entouziasmo, me tocco la cara, me demando si sabia en français y al salir de la escola se foue dourou dourou ala grouta de mi padre.
- A Mayirico, le disho, me lo vas a dar a mi, yo te lo vo a quitar anado !
Pharmatchista de nora negra, como eran todos acquel tiempo. Puede ser que estas sintiendo pharmacia y estas viendo entre ojos algounas groutas como la "Parisien" o la de "Arsinakis" para que no vos se entoje endandovos por algun quartier popoular y etchando ouna ojada sobre estas pharmaciicas escouras que no bouyen ni patalean y onde las redomas y los poutizicos de la vitrinas se contan en los dedos de las dos manos. Hi bien, delantre las pharmacias del tiempo de Haham Shlomo Hagouel, ine estas son grandes groutas.
Se tralaba la mas parte, de oun kielerico que el medico apartaba en sou casa para hazer las milizinas, siendo la mas parte de medicos eran ellos tambien los pharmatchistas de sous clientes.
Se entiende, en estos condiciones que Haham Shlomo no me demando diplom para admeterme en sou iloustre boutica. Del resto, que estudios se quieran para apartar las quatro melizinas que eran ounicamente empleozas alora ? - Siente, Mayirico, me discho Han Shlomo, quando me conseniyo con solenita, la direccion del kieler-pharmacia. Esto es gouarana, esto es finasitin, esto es sal ingleza y acqui esta el pulvico de antiparin. Repeta ke veremos.
No mancaba gracias al Dio, de memoriya, yo repeti como oun papagayo.
- Boueno, me disho Haham Shlomo, a maniana te vo a embezar a bouyir la sal. - Nos vos metash a riir, bouyir la sal era el mas emportante etcho de oun pharmatchista. Il tiniya lougor cada viernes oun pocco antes de asender que ya es tadre.
De notche de Shabath que empesaban con el pastel, el pesche y la fijonada y asta notche de alhad no quedaban sous dientes de mashkaz. Moutchos mansivicos de agora se demandan porque es que papa y mama comen ayinda pan y quezo notche de alhad. Les dire yo : Porque les quedo el ouzo de sous tchikes, que despues de haber tanto y tanto arebanado dia de Shabath, ala notche ya no les areyababa el alma mas de oun bouyico y oun devente de halva.
Despues de este regime alimantario del Shabath, ya entiendesh que al alhad moutchos y moutchos no pouedian alevantar la cabesa del cabesal del prezgadia del estomago. Acquel dia los medicos daban fortuna. No habia casa ande no los yamaban. Y eyos sin moutcho mirar, quitaban los papelicos de las ritchetas y ya la recividas para sal ingleza.