Por la puerta estretcha
Una fuera mos pucha a
delantre
Dechando afuera el sol
kemador
Sin possibilidad de retornar
Entrimos uno a uno
Avansando komo siegos
En un mundo estranyo
Sovre las piedras del inferno
Onde la yerva no krese
Ý los pacharos no bolan
Muestro korason
Onde los ojos no ven
Se estremese de espanto
Ý los pasos
Onde esta la puerta?
No saven onde van
Onde esta el kamino?
Ý en subito
El silensyo
Komo un ladron
Mos aspedasa las orejas
Un rayo de sol se enfiltra
Mas fuerte kel tchiyo
Ý por la puerta estretcha
De un rezin nasido
Mos trava verso la luz,
Sovre muestra kavesa
Verso la esperansa
Un sielo sin luz
Versa la vida
Miles de estreas
Aunke amatadas
Lutchan kontra las tinyevlas
Sin puederlas arazgar
Se seraron las orejas
Para no oyir,
Los ojos
Para no ver,
Ý los korasones
Para no sintir.
Ma del fondo del abizmo
Miles de bozes
En la eskuridad
Gritan sus nombres
Para nunka olvidarlos.
Elie Perahya
Yerushalayim 19/10/1999