I yo, komo munchos padres so yeno de kerensya,
Te kero dar una parte de mi vida i de mi sensya
Mi anbisyon, mi dezeyo es de verte en gozo,
I yeno de boena vida kon un avenir ermozo.
***
Tu alegriya es mi fiesta, tu ansya mi dolor,
Tu sensya , tu tenida, tu glorya es mi onor.
Ansi, tu posedas las bazas de mi vida,
Visto ke mi ansya, mi alegria mi salud i mi diya,
Dependen de tu egzistensya i de tu yida
Ansi, enti se compoza mi reflo i la alma miya.
***
Kon estas conditiones el bivir esta foerte,
Ma ke poedo azer si esto es mi suerte?
Si tengo un chiko espanto de la muerte
Es por ke kero alkansar a en boeno verte.
Por ti, kuando me veygo en la luna, kuando en el pozo,
Mi penseryo siempre en tus pasos, siempre sin repozo.
Sos de boka dulse i de mirada inosente
Una boz komo kante ke da alegria al ke siente.
Sos mi bevyenta ke meda boraches kon alegria
Sos la baza de mi vida para ke yo riya.
No selo, no ambisyon malgrado mi rikeza,
Prove u rika, no te emporta noestra meza.
Te juro, la foersa de bivir la topo en ti solo
Kon tu nombre, kon tu memorya yo me konsolo.
El autor nasio en Estanbol 80 anios atras. Mora en Montreal i en Florida e passa doz mezes cada anio en Turkia. Eskriveva kada semana una poesia por muestro collega Shalom d'Estanbol.