Una kolaborasyon maraviyoza de MATÝLDA KOEN-SARANO kon HAYÝM TSUR se esta indo espandiendose mas i mas en el mundo.
SEFARADÝS DE DOR EN DOR es una Komedia Muzikal ke ya se esta cugando de kuando en los mundos Sefaradis. Nasida en Yerushalayim, esta Komedia Muzikal tuvo un sukseso tal ke no ay ken no oyo sovre esto. Kon la Prezentasion de Aharon Cohen i la Entroduksion de Moshe Shaul, Sefaradis de Dor en Dor es un teatro de tres aktos. Ý lo mijor es ke las notas de sus kantes, de estos kantes kriados par el famozo muzisyen Hayim Tsur estan todos a la fin del livro.
En la Prezentasion Aharon Cohen dize: 'Esta vez esto viene echo no solo por medio de los kuentos populares. Esta vez Matilda Koén-Sarano kompozo una komedia muzikal sovre la vida de los Djudios sefaradis, ke deskrive tres stasiones de la vida de los Djudios de Espanya. Estas tres stasiones, ke se krearon despues de sus ekspulsion de la Espanya son:
La Turkia, ke fue la primera stasion de los Djudios ke salieron de la Espanya, i ke sonyaron el retorno a Sion. La Ýtalia, ke es la sigunda stasion, yena de sufriensa, en kamino para Erets Israel. Erets Ýsrael, ke es la tresera i la ultima stasion, en kamino para Erets Israel.
Moshe Shaul mos dize ke 'SEFARADÝS DE DOR EN DOR' es una ovra ke mos da un imajen empapada de afeksion i d'eskarinyo de la istoria de una famiya sefaradi a lo largo de tres jenerasiones. Lo ke tiene de partikular es ke esto es echo en aprovechando el djenero de la ovra muzikala de teatro, kon el ayudo en kantes, la mas parte de los kualos orijinal, sovre tekstos de Matilda Koén-Sarano, i muzika de Hayim Tsur'.
Los ke 'Kantan' son: Tami Adrian, Ofer Halaf, Yehoram Gaon, Aaron Saltiel, Ensemble Cantica, Koro Lev Hair Yerushalayim, Kohava i Yasmin Levy, Lolik, Keren Hadar, Betty Klein, Voice of the Turtle-Jay Rosenberg, Nurit Henig, Joaquim Diaz. Estos son los ke kantan. Ý ay los ke enterpretan los rolos. Unos kuantos son: Moshe Shaul, Zelda Ovadia, Dolly Burda, David Tsur, Matilda Koén-Sarano, Alegra Amado, Eliezer Papo, Shlomo Cohen, Aviva Cohen, Sara Gabay, Ýsaac Benabu. Se adapto a la radio por Ýsaac Benabu i Alegra Amado.
Estos son los ke dieron sus artes para la realizasion de esta Komedia Muzikal, el teatro eskrito por Matilda Koén-Sarano i la Muzika de Hayim Tsur. Vedra ke vale la pena oyer esta kaset de la muzika tan luzya de Hayim Tsur. Se puede demandar del adreso:
SEFARADÝS DE DOR EN DOR
POB.34O4O Jerushalayim 9134O
Israel
Siguramente no ay menester de dezir ke esta piesa esta aziendo el torno del mundo i cugandose por aktores en teatros
famozos. Es una piesa de la vida SEFARAD DE DOR EN DOR rekonstruizada por MATÝLDA KOEN-SARANO . El
muzisyen HAYÝM TSUR se dio mano kon mano kon Matilda para estar en el mizmo diapazon. Ý vedra ke es ansi.
Beki Bardavid