Los ke saven inglez deven absolutamente meldar el livro : ‘’Las Tradisiones de Melizina de las Mujeres Sefarad’‘, onde trata de la rikeza de una partida de la kultura Sefarad ke ya se esta periendo. Es una kultura ke no se toko asta agora. Este livro konta i es kaji por la primera vez, de la importansa ke da la mujer Sefarad a la salud de la sosietad a traves estas tradisiones medikalas.
Los eskrivanos de este livro dizde anyos estuvieron avlando kon las personas aedadas de la sosietad Sefarad ke bivyo debaþo del Ýmperio Ottoman. Salio a luz ke en la sosietad Sefarad, los ombres suivan el rituel spritual de las sinagogas i ke las mujeres estan en sus kazas i en sus famiyas aplikando los ritueles melizinozos del punto de vista de la salud fizik i moral. Ý tambien en el livro se apunta ke esta tradision de melizina proteja la salud fizik i moral de la sosieta entera.
Ýsaac Jack Levy i Rosemary Levy Zumwalt mos yeva a kazas Sefarad en
Turkiya, en Gresia, en la vieja Yugoslavia i en los Estados Unidos. Entre estas
tradisyones ay las bendisyones i las maldisiones de kada dia komo ‘Ojo
malo’ kreyensas i tradisiones; ‘espanto’; eçizos/içizos;
yervas, azeite, i/o ‘kuras’ ke se azen kon asukar; i ‘mumya’s
ke se azen kon los huesos sekos de los muertos!!!.
Para los Sefarades parvinir a deskuvrir el remedio de una hazinura, es ke kaliya
topar la razon spiritual de esta hazinura. La razon podia ser una pensada o
una avla sin tener ninguna mala intision, un aksidente o un eçizo. Las
‘kurikas’ de kaza eran para deskuvrir las razones de las hazinuras
i estas razones ya se akonantavan akompanyadas de las limitas personalas de
la sosietad.
‘’Ritual Medical Lore of Sepharadic Women’’ es el livro de una sosietad ke biven kon una onda spiritualidad, lo mas formada de investigasyones de los d’alkavo 2O anyos i de cente ke mas ya no biven. Ý es por esto ke estos faktos mas no se pueden enkontrar ni repetar. Esta faça de la kultura Sefarad se ekspoza en este livro por la primera vez.
Esta ovra ke inkluye ‘melizinas de muestras madres’ i ‘melizinas de kaza’, va kontentar a todos los ke tienen interes en la kultura Sefarad, porke komo diþimos mas ariva es un kampo investigado por la primera vez en esta manera siantifika.
Daremos unos kuantos detalyos sovre los dos eskrivanos de este livro tan enteresante:
A Ýsaac Jack Levy le dieron el titolo de ‘Distinguished Professor
Emertius’ en la Univeristad de South Caroline, ramo de Lingua i Litteratura
Espanyola. Prof. Levy es tambien el fondador de ‘American Society of Sepharadic
Studies’. Siertros livros del Prof Levy son: ‘And the World Stood
Silent: Sepharadic Poetry of the Holocaust’, ‘Jewish Rhodes: A Lost
Culture’, and ‘Prolegomena to the Study of the ‘Refranero
Sefaradi’ .
Rosemary Levy Zumwalt es la ayudante del Dekan de Agnes Scott College; Rosemary
Levy es en mizmo tiempo ‘Fellows of the Amerikan Folklore Society’.
Unos de sus livros son: ‘Wealth and Rebellion: Elsie Clews Persons, Anthropologist
and Folklorist’; ‘American Folklore Scholarship: A Dialog of Dissent’....
Este livro kosta: $34.95.
Se puede merkar de la Ýngletera:
Tel:0l752-20230l;
Faks: 0l752-20233l.
e-mail :
upm0lbristol@compuserve.com
El adreso en Ýngletera es: Plymbridge Distributors,
Estover Road, Plymouth PL6 7PZ England
En los Estados Unidos se puede demandar del tel: l 800 537 5487
Web:http://www.amazon.com
Este livro se puede merkar tambien de los magazenes ande venden livros.