La “ Atikva” en Ladino segun fue kantada en Yugoslavia . Es interesante ke en Yugoslavia "la Atikva" se kantava en los kales durante las akafot de Simhat Tora
Communiqué par Eliezer Papo
Los vayes rondozos tienen su freskor,
Ayi onde el figo dulse krese,
El Yarden vivo kore kon rumor.
Ayi es muestra esperansa,
Ayi es muestra aliyansa,
O, tu tiera de los antiguos,
Se a mos mamparo de los enimigos.
Onde muestros padres desendieron,
Reyes de Israel governaron,
Onde temples santos situaron,
Ke los enimigos derokaron.
Ayi es muestra esperansa,
Ayi es muestra aliyansa,
O, tu tiera de los antiguos,
Se a mos mamparo de los enimigos.
Uno de los montes del Oriente,
Es Ar Tsiyon bien temido,
Ve kon dezespero de enfrente,
a su karo puevlo abatido.
Ayi es muestra esperansa,
Ayi es muestra aliyansa,
O, tu tiera de los antiguos,
Se a mos mamparo de los enimigos. 25 mars 2003.