Yo so un Espanyol verdadero de rasa djudiya,
Mis vyejos avuelos nasyeron en la djuderiya
De Toledo,de Sevilla,Kordova i Mayorka,
I poedeser en la chika izla de Minorka.
Semanas enteras las pasi en estos lugaresï
Me paresiya komo bivir en sus hogares.
Despues de sieklos yo gozo de sus erensyas,
Komo sifuera ke yo bivo kon sus kerensyas
Medesharon un trezoro vedre,esto muy orozo,
Tengo la libertad en los viajes,so mazalozo.
Posedo pasaporto avyerto a todas nasyones,
Penso ke es el rezultado de syertas bendisyones,
Los avuelos de mis avuelos i mi famiya,
Nasimos todos aki...en esta bendicha Turkiya,
Ma en Benalmadena ago kalmar mis nostaljiyas,
Aryento las ermozuras paso las vakansas miyas.
Las noches en algun flamenko,mis diyas en las playas,
Es una bivyenta ermoza ,yena de alegriyas.
Kreyo ke este pais es de kantes,d'artes i flores,
Aze olovidar todas las ansyas i los dolores,
So un nasyonalisto ,no troki mi sujesyon,
Por este puevlo tengo una grande admirasyon,
No se bive kon las memoryas d'akeyos negros aktos,
Kale olvidar i estar
siempre en muy buenos paktos.
Haim Vitali Sadacca