En el kuadro del salvoguarmiento i de la transmision de la memoria
sefaradi, l'Instituto Sefaradi Europeo se da komo vokasion primera de
akojetr, sentrolizar, amolizar
i meter a la dispozision de todos, dokumentos eskritos, sonores, vizuales
ke pueden testimonyar de la imensa rikeza de las diferentes komunidades
sefaradis ke
partisiparon de manera intensa a la kultura de los diversos paizes de los
kualos azian parte integrala.
Para esto l'Instituto Sefaradi Europeo se fikso komo butos de :
- Salvoguador i konservar todos los elementos ke ainda existen de la kultura
sefaradis de gresia, Turkia, del Magreb i de otros lugares, ansi ke el
djudaizmo de otros lugares, ansi ke del djudaizmo espanyol i portugez de
autes del 1492/1497 i azerlos aksesivles a todos, entre otros a los
investigadores.
- Enkorajar todo dono de objektros, fotografias, livros y material
sonoro i audiovizual relativos a esta kultura.
- Krear una biblioteka, espesialisada en el kampo del djudaizmo i mas
partikularmente del djudaizmo sefaradi.
- Krear una fototeka i una videoteka ke ilustren de manera mas direkta
la vida de la diferentes komunidades sefaradis. Ovrar, en la mizura de lo
possivle, kon kademas de television i sentros de investigasion sovre la
memoria kolektiva djudia.
- Krear, en su seno, akitividades diversas ke tienen un raporto, serkano
o leshano, kon el mundo djudio en general, sefaradi en partikular.
- Ofreser a todos, unversitarios i ensenyantes inkluidos, un sentro de
dokumentasion i de investigasion en kolaborasion kon las prinsipales
institusiones djudias internasionales.
- Preservar la memoria en filmando i konservando sovre video
testimonyanzas de personas ke vienen de diversas orizontes sefaradis.
<
