Accueil - sefarad.org

Borekitas kon guevos haminados

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

BOREKITAS KON GUEYVOS HAMINADOS
 
 Ya lo se ke estas asperando esta resefte
i yo la eskrivi 2 vezes ! No demandes ke
inyervos ke tuve kuando se bolo en el web
no 1 vez mas 2 vezes ! De yorar......
Yo los kero a mis eskritikos komo kreaturas
i kuando me viyene a mankar uno, i esta
afitando malhorozamente, no te puedes
imajinar ke triste ke so.

Empesaremos kon los guevos haminados
ke se azen enteramente lo mizmo en Pesah :
-----------------------------------------

Una kaldera vieja. Te kedo una koza de
la famiya ? Puedeser de emaye kon flores.
Korolado mas mijor ! O aluminyum ?

Mete aryento de esta kaldera
1 kuchara de kafe
1 kuchara de chay/te
kashkaras de sevoya

(no me mires ansina ! lollllll)

medya kupa de azete
sal i pimyenta preta
i agua el karar ke areyeva

Aryento de esta angusya se vana asentar
los gueyvizikos. Kon atensyon hooooooop
aryento, kuantos keras !

Metelos a kozer munchaaaas horas
Ava..gar...avagar...a..va...gar.....OK
Se vana azer marones ahuera i aryento.

La angusya no lo eches ...Lo vaza tener
de menester para kayntar los gueyvos !


Agora vamos azer borekitas :
---------------------------------------------

Un resipyente ondo plastik/vidro o
porselena. A mi me plaze porselena
kon flores :) Ansina para ke me se achileye
el korason kon keyf ! Kon borekitas siempre
Chopin para mi ! Lo ke topas, las valses,
las mazurkas, el koncherto de piano...mijor !
Les viyene savor a las borekitas !

Aryente de este resipiente
1 mezura de agua freska ( Tasa- tasika- kupa )
1 mezura de azeyte de oliva
Medya mezura de agro de uvas
Poka sal (porke el kezo ya es salado) o deltodo..

Avres el frijider i kitas el kezo amariyo !
Cheddar - yellow cheese...No se lo ketenesh aya.
Rayalo komo un punyado grande....ansina

Kita dos gueyvos. 1 entero aryento del
kezo rayado, el otro lo apartas el medyo
de su amariyo para meterlo en un boliziko.
Dunke 1 gueyvo i tres kuartos en el kezo
rayado i lo mesklas bueno bueno kon un piron,
Yepsssss Bueno ! Medyo amariya mos va
asperar kon pasensya en un lugar...Aya...Si !

Agora es el momento de lavar las manossssss
Kon furcha/brush bueno bueno. las unyizikas
ariva abasho todo ! OK. No las enshues !

Ayyyyyyyyyy me olvidi...Kale aparejar el
tefsin ande se vana kozer ! El tefsin
kale meterle margarina o azete para ke no
se apegen las borekitas. Yo meto folyo de
aluminyum para ke no se ensuzye muncho tambien,
Dunke el folyo kon azete preparado...Ya esta.

Mos kedo de azer la masa....... Aydeeeeeee

Kon la mano skierda vaz echando avagar la arina
blanka komo seda aryento del resipyante ande estan
las aguitas.
I kon la mano derecha vas karishtireyando/mix
fina ke la masa se aza komo tus mushikos de la
boka. No muy blando i no muy seko. OK ?

I finyir.....finyir finyir...finye finye Ermozo
ermozo yo adoro finyir i azer kuklitas kon esta
masa ma agora vamos azer borekitas i no kuklitas.
finye finye finyir.......Esto i deshalo repozar.
Se kanso muncho ! Dezmazalado mas kon manos
de hombre grande grande ! Kuvijalo kon un kanyamazo
mojado. Yeps Ke deskanse un poko.

1 hora dospues sarpikamos arina en el lugar ande
vamos azer las borekitas para ke no se apegen.

La masa la azemos en 4 pedasos i la avrimos kon el
palo redondo kon el kual las mujeres aharvan a los
maridos en las karikaturas ! "Oklava" en Turko. Esta
koza. No muy muy fina...Ma bastanto fino !
Ya entiendes no ? Ansina de resefta no se tyene
visto !!!! Madre miya bendicha !!!!!

Metes 1 kucharika del kezo ensima i lo serras kon
la partida ke travas para serrarlo. Ke seyan
godritas i ermozikas....Bueno bombe..No komo mursa
platos ! Luzyos luzyos. Los kortas komo medya
luna kon una kupa de bever agua. La kupa para kortar
unas kuantas vezes lo meneyas en el mizmo lugar
para ke korte . Yeps ! Ansina los eskapas
todos metyendolas unas detras de otra al tefsin.

Porke sos "celibataire" me dishites puedes azer
mas fasil. la tapada ! Una masa abasho el gomo
en medyo i una masa ariva....Es la mizma savor,
El punto es la godror de todo. 1 cm para todo
es bueno me parese. Ayyyyyyyyy ke en lugar de
todo esto si moravas serka te las embiyava i
dayy ! Ensima de la tapada o de las borekitas
sarpika kezo rayado MAAAAAAAAAA antes... te
akodras ke metimos un kuarto de gueyvo en el
boliziko ? ES su torno de djugar !
Metele muy muy poko de agua aryento i pinta
kon esto tu lavoro. Pinta pinta kon una
furcha/brush tambien...No se si tiyenes.
Hombre solo komu puede bivir Elokim !!!!

Metelos ariyento del orno kayinte unos 20
puntos. Kontrolalos ke no se kemen.
Kuando estan dores ya se izyeron.
Te suheto muncho mazal. No es echo fasil
por una primera vez i estas solo aya !

No keres gizar una koza mas fasil kerido David ?

Es muy fasil de azerlo ma kale saver !
A mi me toma 10 puntos porke no desho arepozar
la masa ! lollll
Eskrivir esto me tomo 1 ora djusta !
(kon hora en la mano ) Maaaaaaaaa adoro eskrivir !

Sano i rezyo ke estes
Karinyozzzzzzzzzz

sharope blanco
 

- Copyright © sefarad.org - 1997 - 2017

Retour au site sefarad.org -