Accueil - sefarad.org

Una supa meraviyoza ! Un kalavasucho ke no es kalavasucho !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

UNA SUPA MARAVIYOZA I
UN KALAVASUCHO KE NO ES KALAVASUCHO !
 
-------------------------------------------

chupar las dos manos i no solo los dedos !'
 



rayo  5  -  6   kalavasaz vedres

esprimo la agua bueno bueno en un resipiente
(en apretando kon las dos manos)

un poko  de la kalavasa rayada lo meto aparte.
 
-------

Mas -de la mitad de la kalavasa rayada,

un poko d'azete d'oliva

2 guevos

kezo blanko rayado o kezo kasher rayado
(o los dos kezos endjuntos...Mas savrozo)
 
el kadar d'arina ke areyeva

NO SAL  - pormodo de los kezos salados !

un poko de pimienta

(se puede meter patatas rayadas, karotas rayadas
sevoyas rayadas, prishil, anito  etc..komo vos
plaze)

karishtireyar todo esto  (una mleska de la blandor
del musho i no de la oreja  lolllllllllll)

iiiiiiiii   meter este gomo en un tepsi  / tavla
ensima delkual ay muy poka azete o margarina.

Espandir el gomo delgado delgado ensima del tepsi.
(max. 2 cm) i meter lo al orno
fina ke se dore i se kozga.
---------------------------

a lo pokito de kalavasa rayada ke se metyo aparte
se le aze un ojiko i se le dize " agora tu torno " !

---------------------------

La supa *dupa*  al nusha  "sharope "

Beshamel   :  se mete una kantitad de margarina
en el tendjere komo 1 muy grande kuchara yenna
i se derrite kon arina.  Se vazya avagar avagar
la leche yelada.....Fina ke se aze un ermozo
malebi...siempre karishtireyando presto presto
por seguro.    La krem beshamel ...Egziste mujer
djudiya ke no save azer esto ?????  No kreyo !

A este "malebi" (mahallebi)  se vazya en
karishtireyando presto presto :
 
1 kupa de leche,
 
1 kupa de agua

el esprimido de kalavasa
 
(anito , preshil   si ay en kaza)

un pokito de kalavasa rayada 
(le aviyamos echo un ojiko !  Es su torno)

sevoya freska (si ay)  kortada  fino fino
- Si no ay 1  sevoya kortada finamente
 
(ajo a los ke les plaze)

 (almendras blankeadas le yakishea a esta supa)

servir kon el almodrote ke no es almodrote ke izimos !


Madre mia bendicha !  Tan savrozas kozas no kale ke
egzisten !  Todo mias son  las reseftas.....Echas, komidas
fina la gota d'alkavo ...

Salud uvraha ke se le aga a mi ijiko regalado
ke bolo de Inglaterra para vinir a ver su mamita....

Le ize tambien  " dolmas "  ke se tresale por eyas !
( No !  las dolmas no son ijikas ! )


El gomo de la dolma  :
--------------------

1 kilo de sevoya kortada muy fino

un punyado flosho de prishil kortado fino

un punyado flosho de anito kortado fino

un punyado de menta freska kortado fino
(si no ay fresko meter menta seka - 1 kuchara de supa)

 1 kuarto de kupa de esprimido de limon
 
sal - pimienta preta molida - yeni bahar (si ay)
pinyones - un punyado - lavar i meter en mojo
uvas sekas pretas (kush uzumu) - un punyado -
- lavar i meter en ojo -

un poko manko de medya kupa de asukar

1 kupa de azete de oliva]

1 kup de agua yelada
 
3 kupas de aroz

i rogar al dyo ke salga bien :)


Se mete en un grande tendjere la sevoya
kon la kupa de azete d'oliva
se sofriye  (doradas  ma no muncho)

se adjusta el aroz los pinyones i las uvas sekas

el sal, la pimienta, el limon, l'asukar i el
yeni bahar kon UNA KUCHARA DE TAVLA
se abolta 1 vez o 2
se adjusta prishil, anito i menta

es sekreto I SAKRADO !

Inchir la piperushkas, tomatas.
sevoyas, kalavasaz, ojas de kol
( i la kavesa )  kon este gomo
adjustar agua - fina ke kovre todo -


i salir a baylar en la kula !!!!!!!
mamma yo kero, yo keeero la chupeta......

Kon salud i kon vida....nono 
salud uvraha...esta Es LA BENDISYON !

sharope uvraha 


 

- Copyright © sefarad.org - 1997 - 2017

Retour au site sefarad.org -