Accueil - sefarad.org

La alluenga a la sharanfonfon

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

LA ALLUENGA A LA SHARANFONFON !

Se lava bueno bueno la alluenga entera.

Se asa en el gaz para ke se pueda kitar la piel i todas las partes ke no mos paresen limpyas i dezeyadas para komer.

Se buye la alluenga entera en un grande tenjere fina ke se ablande enteramente.

Se echa la agua, se desha a yelar i se aze revanadas para servir.

1. Se pueden servir yeladas kon mayonez katchup o otra sos echa en kaza.

2. Se pueden empapear en una sos tomat (En Israel es ansima ke lo preparan)

3. Manko, ma ay jente ke lo preparan kon agristada tambien.

4. Alluenga kon avramilas es lo ke yo ago !

Para la Sos de Avramila :

Kale buyir las avramilas fina ke se azen muy blandas.

Las pasamos por el tripito ke es la marmita kon burakitos para ke kuando las vamos esprimir ke pueda el jus/sumo eskurir por estos burakitos. Keda en el tripito solo las kashkaras de las avramilas kon el kueshko.

La sos, lo metemos en ena chika kacharola/ casserole.

Si no esta bastante agra le adjustamos un poko de limon.

Si esta muy agra le metemos un poko de asukar...

Azeyte de oliva,
) (yo meto un poko manko de medya kupa)

Sal i un poko de pimienta blanka o preta.

Esta es la sos "en générale" de las avramilas/prunes.
Se uza para koftikas /les boulettes
Pishkado
kashkarikas de kalavasa
aluenga ets...

Metemos un poko a kozer las revanadas de la aluenga en la sos de avramila.
No es tanto dezgrasyado si se kome yelado !

Karinyozzzzzzzzz

- Copyright © sefarad.org - 1997 - 2017

Retour au site sefarad.org -