Accueil - sefarad.org

El armiko aragones de Istanbul

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Para todos ke keren saver komo se giza el armiko aragones de Istanbul !

Se munda domat...munchas depende de kuantas personas vana komer.

Se korta la domat mundada en kuartikos chikitikos ke se van a azer komo kaldo kuando todo sera pronto.

Se munda sevoyas....munchas i se kortan. Yo las korto, por mi plazer komo la luna a sus primeros diyas :)

se munda prishil i se korta fino ma no muncho !

Se toma pimyentas o piperushkas, lo ke topas en el merkado de esta famiya ! Vedres me plazen mas.... Ma si son amariyas o koroladas o zurzuvi no aze danyo tanto...
Lavas estos i las kortas en dos a la largor. Kitas las pipitikas de aryento i las kortas en pedasikos chikos.

Vas a tener de menester sal, pimyenta korolada, a mi me plaze kemando un poko ma no muncho.... medya kuchara de supa de asukar por un kilo de domat....4-5 sevoyas i 200 gr approx. de piperushkas.

I la reyna de esta komido komo siempre....El azete de oliva ! Yo gizo todo kon azete de oliva porke es el mas sano de todos (allarga la vida !) Mizmo si se ata en el frijider un poko, se dezaze pishin kuando lo kitas afuera.

Sofriyir un poko la sevoya kon la azete, kontinuar a sofriyir kon las piperushkas aprontadas..no muncho...echar la domat, la sal/pimyenta koralada/asukar i

UN POKO MANKO DE MEDYO PUNYADO DE AROZ....

Deshar kozer fina ke se aze komo miel :) Azer atensyon kon la agua...
No kale ke seya muy kaldudo ni muy duro ! Oyyyyy.....

Antes de abashar la komida se le echa el prishil tiril tiril (biervo miyo para fino, fresko ets..)
ansina para ke la golor kede !

Mamita luzya ande estas !!!!!

sharope blanko

http://groups.yahoo.com/group/Sefaradimuestro/

- Copyright © sefarad.org - 1997 - 2018

Retour au site sefarad.org -