Pintores djudiós : Tziona Tager

    MENU    
Sefarad
[Vii avlaremos]
Help us
Retour

Pintores djudiós

Tziona Tager (Yafo, 1900 – 1988)
De Dan Gallery - Internet

Tziona Tager es la artista israelí mas emportante de las primas dékades del siglo XX. Eya nasió en Yafo en el 1900 de una famiya de orijín bulgara. Entre el 1921-22 estudió en la Akademia de Arte Bezalel en Yerushaláyim, ande tuvo por maestros Boris Schatz i Abel Pann. En el 1924 eya se fue a París, ande estudió kon el maestro André Lhote. En el 1925 eya tornó a Israel i se adjuntó al grupo de los Pintores Modernos: Israel Paldi, Reuven Rubin, Arieh Lubin, Yosef Zaritzky i otros. Eya partsipó kon eyos a las exibisiones en el Ohel i en la Torre de David. En el 1930 entró a azer parte de la Asosiasión de los Artistas Ebreos. En el 1937 resivió el premio Dizengoff de la munisipalidada de Tel-Aviv, i fue entre los fundadores del paviyón de la Asosiasión de Pintores i Skultores en Tel-Aviv.
Durante la Sigunda Gerra Mondial Tziona Tager se dio volontaria en la Armada Británika, i en el 1942 se adjuntó a la Haganá. En el 1948 eya reprezentó Israel en la Biennale de Venezia.
En el 1977 le fue otorgado el títolo de "sivdadino onorario de Tel-Aviv".
Eya murió en el 1988. Numerozas de sus ovras, karakterizadas por sujetos variados, komo kayes, internos, objetos, flores, i kolores bivas, se topan oy día en véndida por medio del Internet.

- Copyright © 2001-2009 Moïse Rahmani -
Google
sefarad.org