Sientistas sefaradís : Carl Djerassi

    MENU    
Sefarad
[Vii avlaremos]
Help us
Retour
Sientistas sefaradís
Carl Djerassi
(Viena, Austria, 1923)

De Wikipedia – Internet
Carl Djerassi nasió en Viena en el 1923 de padre djudió bulgaro sefaradí, i de madre austríaka ashkenazía. Es shimista i novelista, i es bien konosido por su kontribusión al dezvelopamiento de la primera pilula kontra el prenyado. Sus djenitores se enkontraron en la eskola medikal de la Universidad de Viena, se kazaron i se fueron a Bulgaría. Djerassi bivió en Bulgaría kon sus djenitores asta la edad de 5 anyos. Después del divorsio de sus djenitores, su madre i él se transferaron a Viena, para permeterle de entrar en una buena eskola. Asta la edad de 14 anyos frekuentó el mizmo Realgymnasium ke avía frekuentado Sigmund Freud, anyos antes, i pasava los enveranos kon su padre en Bulgaría. Después de la suvida del Nazizmo al poder su padre se kazó de muevo por un kurto periodo kon su madre en el 1938, para permeter a su ijo de fuyirse en Bulgaría, ande bivió kon su padre por un anyo. Carl frekuentó el American College de Sofia i se ambezó fluentemente el inglés. En el 1939, a la edad de 16 anyos Djerassi arivó kon su madre a los Estados Unidos, kaje sin un santim. Djerassi frekuentó el Newark Junior College en el New Jersey, ke le otorgó un diploma semejante al bakaloreato. Djerassi eskrivió una letra a Eleonor Roosevelt, demandándole ande tenía de ir a estudiar, i eya le dio un konsejo velado, ansí ke él topo una eskola i una beka de estudios. El se graduó en shimía orgánika en el 1942 en el Kenyon College, i lavoró por la Cyba un anyo antes i 4 anyos después de su graduasión. En la Cyba izo la primera patente por el antistamíniko Pyribenzamin. En el 1943 se kazó kon su primera mujer, la amerikana Virginia, antes de resivir su graduasión en la Universidad de Wisconsin-Madison, ande resivió su P.H.D. en el 1945. En el mizmo anyo se izo sivdadino amerikano. En el 1949 entró komo direktor asosiado a las búshkedas en el komplekso Syntex en Mexico-City, ande lavoró del 1950-1951 sovre una mueva sinteza de kortizón, derivada de una konserva meksikana natural. Su ekipo sintetizó el norethindrón, ke se izo parte mas tadre de la pilula del kontrolo de los nasimiento, yamada "the Pill". Del 1952 al 1959 se izo konferensier de shimía en la Wayne State University i tornó a la Syntex del 1957 al 1960. Del 1959 él se izo profesor de shimía a la Stanford University i prezidente del Laboratorios de la Syntex en Mexico-City i Palo Alto. Su koneksión kon la Syntex lo izo un ombre riko, i él merko un grande pedaso de tierra en Woodside, California, ande se fraguó una ferma-kastiyo, i se formó una grande koleksión de arte. De su sigunda mujer, Norma Lundholm él tuvo dos ijos, Dale, ke aze filmos dokumentarios, i Pamela, ke era artista i se suisidó en el 1978, i en memroia de la kuala él fondo la Djerassi Resident Program (DRAP), ke kon el tiempo transferó a San Francisco. El fue kazado i kon Diane Middlebrook, profesor emerita de Stanford, asta su muerte por overdoza en el 2007. Djerassi prevido ke la pilula iva tener una grande emportansa en los raportos entre mujeres i ombres, i avló de la feminizasión del ombre, ke proviene de la feminizasión sosial de leyes i valores en favor de la mujer en la sosiedad. Djerassi resivió la "National Medal of Sciences" del Prezidente Nixon. En el 1975 resivió la "Perkin Medal". En el 1978 fue entrodusido en la "National Inverntors Hall of Fame". En el 1991 resivió la "National Medal of Technology", i en el 1992 la "Priesteley Medal". Austria kitó un pul kon su kara i le mandó un muevo pasaporto austríako i en el 1999 le otorgó la "Austrian Cross of Honor for Art and Science", Primera Klasa. El es el autor de la novela "Cantor`s Dilemma", ande eksplora la étika de la moderna búshkeda sientífika, atraverso su protagonista, el doktor Cantor

.

- Copyright © 2001-2009 Moïse Rahmani -
Google
sefarad.org