Halva de Hanuká

    MENU    
Sefarad
[Vii avlaremos]
Help us
Retour

Halva de Hanuká

Dulsurias – Sarayevo <

Ingredientes:
2 vazos de asukar
1 vazo de agua
1 vazo de azeyte
2 vazos de arina

Preparasión:
Se meten a buyir endjuntos l’agua kon l’asukar, asta ke se aze un sirop no muy speso.
Se keynta l’azeyte en una oya a parte.
Se adjusta la arina i se menea bien asta ke se aze una masa eskura, sin kemarse.
Se adjusta el sirop i se meskla bien, asta ke se aze una masa liza.
Se kita esta masa a kucharadas, kuando está deynda keynte, i se desha yelar en el tifsín.
Se puede i meter la masa entera en el tifsín, i arresentarla a la altura ke se kere.
Se korta a karrós o en otras formas, a plazer.

Rina Shalom – 1994
Del livro GIZAR KON GOZO de Matilda Koén-Sarano en preparasión

- Copyright © 2001-2009 Moïse Rahmani -
Google
sefarad.org