Al Viento

    MENU    
Sefarad
[Vii avlaremos]
Help us
Retour

El viento chufla
I yo sto sola.
Yo no me spanto,
Te do parola.
Ma si no stava
Serrada en kaza,
Yo, si, ke era
Terrorizada.
Tú día i noche
Estás gritando,
Yeno de furia
Stas ululando.
Kon ken las tienes?
Stas araviado?
Es ke tú sufres?
Stas akosado?
Boz d`animales
Tienes adientro,
Ke al sintirlas
Azen espanto.
Kuanta piadá
Me das a l`alma!
Toma, te rogo,
Un poko de kalma.
Azete dulse
. Spira liviano.
Desha vinirmos
י El enverano.

Matilda Koén-Sarano, Yerushaláyim, 7.2.2005

- Copyright © 2001-2009 Moïse Rahmani -
Google
sefarad.org