La kamiza del ombre alegre

    MENU    
Sefarad
[Vii avlaremos]
Help us
Retour

La kamiza del ombre alegre

Avía un rey ke estava muy muy hazino. Addió, kualo van azer? El rey se va murir!
o uno disho ke tiene una koza. Vino otro disho ke tiene otra koza. Al kavo trusheron una indivina. Eya disho: "Mirá, este rey tiene sehorá. La djente le están metiendo ojo. Kale ke se vayga, ke tope la kamiza de un ombre alegre. Se va vistir su kamiza i le pasar todo."
o, el rey salió la noche kon todos sus mosos. Kaminaron i kaminaron, mirando i mirando.
ron en una ventanika, si está akí koza de tomar la kamiza....
arido está aharvando a la mujer... Los ijos están yorando...
o el rey: "No, no, no, barminán! De akí no se toma kamiza!"
ueron mas ayí. Veyen un povereto echado en la kama. La mujer está dándole a bever, está trokándolo.
"Ay ay ay!" disho el rey, "No, no, no akí!"
Kaminaron i kaminaron i arivaron al bodre de la mar. Toparon ayí un ombre prove, miskeniko, asentado.
mbre avrió un paketiko, kitó una pita i un tomat. Komió i empesó a kantar.
le disho el moso del rey: "Tú estás alegre?" "Sí!" le disho el ombre, "Muy alegre!"
"El rey kere tu kamiza." le disho el moso.
Se avrió el ombre la jaket i le disho: "Yo no tengo kamiza. Si tinía, se la dava al rey kon plazer!"

Kontado por SOL MAYMARAN – Yerushaláyim, 1998
Notado i redaktado por Matilda Koén-Sarano

- Copyright © 2001-2009 Moïse Rahmani -
Google
sefarad.org