Verdadera amistad

    MENU    
Sefarad
[Vii avlaremos]
Help us
Retour

Verdadera amistad

En una sivdad moravan dos amigos de sus chikés. Uno de eyos se izo fraguador de kazas, i tenía un ijo regalado i soreador. El azía la buena vida kon "amigos" i gastava parás sin kuento.
sigundo se izo produktor de karvón, i morava al lado de la shara. Tenía ijos i ijas, i todos bivían una oroza vida de famiya, aún ke sus entradas eran modestas.
ía disho el padre a su ijo regalado: "Deké estás pedriendo tu tiempo kon esta djentoria ke tu yamas amigos? Eyos te van a dar la spalda, si te vas a topar en estrechura."
es verdá!" disho el ijo, "Eyos me van a ayudar todos, sin ekspesión!"
, aremos una prova." disho el padre al ijo, "Va al ahir i mata un kodrero, ensuzia tus vistidos de sangre, va ande tus amigos i diles ke matates un ombre i les estás demandando ayudo para fuyir."
ijo izo lo ke le konsejó su padre. Se embolvió de sangre i fue ande su mijor amigo. Kontó al amigo lo ke le disho el padre, i el amigo le serró la puerta en la kara
Ansina afitó kon todos sus amigos.
Yeno de verguensa el ijo tornó a kaza i le kontó al padre lo ke le akontesió.
Entonses le disho el padre: "Agora va, komo estás, kon la sangre i la suziedad, ande mi úniko amigo, ke aze karvón i mora al lado de la shara. Dile ke sos el ijo de Yosef el fraguador, i demándale ayudo.

Fue el ijo ande el produktor de karvón i se prezentó komo el ijo del fraguador, i demandó ayudo.
Pishín yamó el karvonero a todos sus ijos i deskojó a su ijo mas semejante al ijo del fraguador, le ordenó de trokar sus vistidos kon los del musafir, de kemar todos los vistidos empapados de sangre, i le dio parás para ke parta por otro paíz. I al ijo del fraguador le disho: "Mira, de agora en delantre tu sos mi ijo Shimón. Ulvídate de tu pasado i te vas salvar."
Mientres ke estavan aziendo todos los preparativos vino el fraguador en vijita.
El ijo del fraguador se metió a yorar i entendió ke kere dizir "amigos" profitadores, i kualo es la verdadera amistad entre dos personas.

Kontado por SHMUEL COHEN - 2007

- Copyright © 2001-2009 Moïse Rahmani -
Google
sefarad.org