BLOG - sefarad.org

Sielo eskuro de Aragaon

    MENU    
Sefarad
[MatildaRahel]
Help us
Retour
Seielo eskuro de Aragon

Aljamas aragonesas;
Rekodros leshanos son,
Bivieron djunto al kastiyo
Los djudios de Aragón;

Finansistas, altos nobles,
Doktos de administrasión,
Solombras de viejas luses
Arrelumbran asta oy.

Kurtidores, tejedores
I luchas de posisión.
Talmudistas i Rabíes
O poetas de eksepsión

Yenaron kon sus prezensia
Las Aljamas de Aragón,
Asta ke kayó nochada
Yegaron los Tribunales

Maldichos de Inkizisión;
I akuvsasiones tan negras
Eskuras komo el karvon
Ke undieron en mil pedasos

A los djudios de Aragón;
Kartier de los artesanos,
Se eskuresieron kaleyas
Del ulvidado esplendor.

Kartier de los merkaderes,
Djudrias de Aragón.
Se amenguaron tus estreyas:
Rekodros leshanos son...

Matilda Barnatan


sefarad.org

- Copyright © sefarad.org - 1997 - 2017

CONTACT

Retour au site sefarad.org -