Korespondienza entro hermanas

    MENU    
Sefarad
[Rosy]
Help us
Retour
Amigos, shalom ! 
En este empesijo del muevo anyo sivil (komo lo dizimos), vos kero mandar lo ke se skrivia en mi familya entre ermanas i ermanos (los ke pudieron salvarse de los kampos de matansas). La primera ke la vos mandar aki fue eskrita por mi tia Marie Israel (zal), nasida Hugnu de Rhodes a su ermanika, mi madre Bellina (Buli) Hemmo (zal) nacida Hugnu de Rhodes, enriva de un papel aerograma. La data de la karta es del 8.1.98, en la grafia ke se uzava en akel tyempo, mesklando Spanyol muestro kon el Italiano. Su eskritura es muy delgadika afin de intchir toda la largura del papel sin dechar afilo un lugar sin eskritura. Porke en este tiyempo avia ke azer atension al pezgo de kualo se mandava por posta aerea. I ademas, no tenian muncha paras los poveretikos. Otra kosa ke vos kere dezir es ke mi tia Marie, aunke fue deportada a Auschwitz, Bergen-Belsen, Buchenwald i ke izo el "kamino de la muerte", komo lo podesh leer, nunka pedrio a su fey en el Santo D.io.
 
" Bat Yam (Israel)
Querida hermana Bellina e cara Rosy (soy yo) morando a Valbonne, Fransia.
La lettra tuia e la mia se encontraron e ainsi non podimos responder. Lo prinsipal es ressevir siempre novidates buenos da parte a parte, amen ve amen. Queridos, vos ago saver que aier Daniel (es mi ijiko) me vino a vijitarmi, machiala por tal ijo de ver allegrar que està, mazal bueno que me tenga, El Todo Poderoso me lo protegga por onde va ir e venir amen ve amen.
Queridos mios, tengo el plaser de aururarvos un felis agno 1998, ieno de pas par Israel et salut buena para todos quen lo tiene menester e para mozotros.
Di Rachelina (su ijika unika), ressevich tan bien sus mijores augurios 98. Vos rogo de escusarmi del mal escrittto, o le dita que me tremono e mas lo crampi que non mi da  tregua. Enfin, mal ivando, bien aspirando.
Gracias cara  Bellina per tu consigli per el cortison que tomo, grasias al S.Dio de 40 mg que tomavo ya me le asieron 10 mg. El cuerpo yà se està empesando a sgonfiare, me auguro che non me torni il mal....En que situasion mos topamos alla vejes que me aspirava una vida felice, invece, totto va male. Pazienza Benditho sea el S.Dio que tal le placio, mi auguro de aver los cavos buenos amen.
Cara Bellina, Daniel te ama molto . Le di l'aerogramma e le dije escrive alla nonna, piji se metio a escrivi, es uin buen igneto que non vos ma nqui nunca e vosbesa, a vozotras 2. Vos beso e vos abbrasso del fon do del mio corason.
Vuestra hermana et zia che vi ama tanto.
Marie"
- Copyright © 2001-2013 Moïse Rahmani -