El trokamyento klimatiko.

    MENU    
Sefarad
[Rosy]
Help us
Retour
Djusto, todos le veen ke la tierra, el ayre i la mar estan sufriendo d'el trokamyento klimatiko.
Es vedra ke mozotros, morando en payizes rikos, segimos konsomar mas i mas de enerdjia ensuzyante.
I no solamente los payizes rikos, ama payizes komo la China, la India, etc... eyos keren tambien disfrutar del desvelopamyento ke mos permete la teknologia moderna.
Ama kual es el presio ? i Komo la naturaleza lo arreyeva ?
Mi kompanyero, Jean Paul Delorme eskrivio papeles tratando de tres de estos sujetos ke lo yamo : "Les Trois Déferlantes" o en Ingles : "Three Tidal waves"
 
Estas tres undientes olas mos vienen arriva en el mizmo tyempo, i de esto tenemos ke tomar sar.
 - La primera ola es la kriza finansyarya  mundial i sus efektos.
- La secunda ola es la kriza demografika : adjustar a la agrikultura para dar a komer, melizinar a todos i sovre todo a las personas ke van a venir mas i mas aedadas.
- La treser ola es la kriza del trokamiento del klima a la eskalera mundial.
 
Paras no ay mas para responder komo se deve a estas tres olas desgrasyadas.
 
Las solusyones son politikas. Evropa i Amerika del Norte i Australia, todos unidos, devemos avlar de una sola voz en frente de la China, por modo de lograr a atchikar todos estos ensuzyamentos. Ademas, klaramente, atchikar muestro modo de konsumir i gastar en vano.
Devemos de tokar a los mansevos porke se trata de sus futuro en este mundo. Eyos deven de despertar los governadores para ke se arremeneasen en el kamino bueno, por mor de la umanidad entera.
 
Kon saludos i shalom grande
Rosy 

- Copyright © 2001-2013 Moïse Rahmani -