El Baul de mi madre

    MENU    
Sefarad
[Rosy]
Help us
Retour

El Baul de mi madre

me akodro ke mi madre, viniendo por vapor de Rodes a Edjito para kazarse kon mi padre, lo metio arientro del baul todo su achugar de boda.
Este baul era una maraviya, de forma de un chiko varil, kon bandas de "viyudo golpeado"(velours frappé), i kon serraduras de fyerro (escarboucles).
Este baul de los anyos 1936, mos sigyo de Edjito a Fransia i de Fransia a Israel i de muevo a Fransia, sivdad de Bordeaux i otra vez a Israel, Bat Yam onde moravamos.
Despues ke mi padre se murio, me okupi de mi madre, vendiendo el apartamento despues ke se aviya alkilado un anyo. I la trushe a mi madre a Fransia, serka de mi, en presipyo de los anyos 1980.
Ama, el mahsen estava vazio, el ermozo baul,e despedrio. Guay de mi vida !
Amigos, vos rogo azerme saver si avra konosido a otros de lo ke suksedo al baul, me lo agash saver Kon vuestro ayudo i el ayudo del D'io, seria un nes !

Saludozos ke estés
Rosuschia

- Copyright © 2001-2013 Moïse Rahmani -