Keria eskrivir sovre una mujer

    MENU    
Sefarad
[Rosy]
Help us
Retour
Amigos,

Keria eskrivir sovre una mujer ke mos desho la buena vida, en la sivdad de Toulouse, Fransia, el 30 de djenayo de este anyo.
La sinyora Rebecca CAPELLUTO (zl), nasida en Rhodes, en 1917 se kazo kon un manseviko ALHADEFF. Ama, los poveretos, se skurisieron sus almas, kinze dias despues de la boda, fueron deportados, en djulyo 1944 por barko i trenes sin eskapasion asta ke liegaron a estos kampos de martiryo.
Mi tiya Rachel HUGNU de Rhodes tambien fue deportada dainda mansevika, kon toda la famiya. Echadas de un kampo a otro, muriendo de ambre de sed i de hazinura, uno no se puede imaginar tanta sufriensa...
Kuando mi tiya Rachel y su ermana Mari fueron liberadas por los soldados Rusos, fueron enkaminadas a Roma, Italia.
Mari se embarko por el Kongo Belga onde se kazon kon David ISRAEL, i tambien, Rebecca otra sobreviviente, se embarko por el Congo. Mi tiya Rachel se kazo en Bordeaux, Fransia kon Elie AVZARADEL i tambien se establesieron en el Congo.
La vida de Rebecca, yena de koraje, me lo konto su sovrino Renaud SOUHAMI ke tanto la keria a su tiya. Me disho ke eya era la unika sovrebiviente de una famiya de 36 personas, los amargos ke no tuvieron mazal. Ke esten todos en Gan Eden.

- Copyright © 2001-2013 Moïse Rahmani -