BLOG - sefarad.org

Haim Vitali Sadacca

Sentimientos de un Padre

    MENU    

SEFARAD.org

INDEX - Haim Vitali Sadacca
[POEZIAS]
PRECEDENTE Page

AIDEZ-nous

"Sentimientos De Un Padre"

I yo komo munchos padres so yeno de kerensya,
Kero darte un poko de mi vida i mi sensya.
Mi ambisyon ,mi dezeyo es de verte en gozo,
I yeno de buena vida kon futuro ermozo..

*****

Tu alegriya es mi fiesta, tu ansya mi dolor,
Tu sensya ,tu tenida i tu glorya es mi onor.
Ansi tu posedas las bazas de toda mi vida,
Visto ke mi ansya,mi alegriya i mi diya
Son bazados a tu egzistensya i a tu yida.
En ti se kompoza mi reflo i la alma miya.
Si tengo akel chiko espanto de la muerte
Es por ke kero alkansar a en bueno verte.

*****

Por ti me veyo en la luna i kuando en pozo,
Mi penseryo siempre en tus pasos i sin repozo.
Sos de boka dulse i kon mirada inosente,
Tu boz komo kante,das alegriya al ke siente.
Sos mi bevyenta,me das borraches kon alegriya,
Tu sos la baza de mi vida para ke yo riya.
Te djuro ,la fuersa de bivir topo en ti solo,
Kon tu nombre i kon tu kerensya yo me konsolo.

Haim Vitali Sadacca
Montreal

- Copyright © sefarad.org - 1997 - 2017

CONTACT

Retour au site sefarad.org -