BLOG - sefarad.org

Haim Vitali Sadacca

Memorias De Un Huerfano

    MENU    

SEFARAD.org

INDEX - Haim Vitali Sadacca
[POEZIAS]
PRECEDENTE Page

AIDEZ-nous

Memorias De Un Huerfano

Kedimos huerfanos en nuestra chika edad,
Me akodro sus aktos,su sansibilidad,
Biviamos kon su amor de kerensias yeno,
Eramos alegres de vermos en su seno.
Porke se hue a akeas tierras ajenas?
No savia...Tenia ocho anios apenas.
Una madrugada mos beso en la kama
Se espartyo deshando el fuego de su alma.
Su vista abatida,sus ojos lagrimozos
Abraso a mi madre kon miradas sin gozos.
En mi edad komo puedria saver la baza?
El en bivo, kedimos komo huerfanos en kaza
Kon tiempo supe la razon de su espartision,
Era para obtener una mijor situasion.
Peno una manseves entera en vano,
No uvo alguno ke le diera una mano.
El no keria vermos bivir en vidas duras;
Era padre amoroso de sus kriaturas.

Despues de mezes un aviso maloroso,
Diziendomos ke se murio de un desreposo.
Esto siguro ke en sus reflos de alkavo,
Puedian ver nuestros nombres en su bafo.
Esta forma se eskrivio mi chikes ,mi destino,
Siempre bivera en mi alma i en mi tino.

Haim Vitali Sadacca
Montreal

- Copyright © sefarad.org - 1997 - 2017

CONTACT

Retour au site sefarad.org -