BLOG - sefarad.org

Haim Vitali Sadacca

Konsejos a una kerida

    MENU    

SEFARAD.org

INDEX - Haim Vitali Sadacca
[POEZIAS]
PRECEDENTE Page

AIDEZ-nous

“”Konsejos a una Kerida”

Mi Kerida,mis palavras no son por konsolarte
Yo so tu serkano , deseo un konsejo darte.
La vida es komo un esfuenyo,yena de surprizas
Kuando ansyas, kuando dekorada kon sonrizas.

El mal destino de tus alegrias te alesho,
Kedates en esta ansya,desgustosa te desho.
La vida es pasajera,olvida lo pasado,
Kalma tu korason,ten el meoyo deskansado.

Mi alegria es verte feliz en todos los dias
La vida pasa komo soplo ,ya lo saverias.
Mira a bivir tu tiempo kon vyejas alegrias,
Deseo verte kontente,siempre kero ke rias.

Komo transferar a tu korason una senteya?
Para darte una luz sin ke ninguno la veya.
Deseo verte bivir komo antes tus primaveras
Dando a tu alma plaseres kon rizas verdaderas .

Sere orozo de ver naser l'alegria ke tenias
Kon tus lavyos sonrientes sentir los versos ke desias...

Haim Vitali Sadacca
Montreal

- Copyright © sefarad.org - 1997 - 2017

CONTACT

Retour au site sefarad.org -