BLOG - sefarad.org

Haim Vitali Sadacca

Un Ombre Flako En Sentidos

    MENU    

SEFARAD.org

INDEX - Haim Vitali Sadacca
[POEZIAS]
PRECEDENTE Page

AIDEZ-nous

Un Ombre Flako En Sentidos

Era su amor solo lo ke me ambisyona
Su boz i su nombre tanto me emosiona,
Nunka me emportava lo ke eya era,
La konsideri andjela komo si fuera.
Echi sus malos aktos del tino al olvido,
Lo ke dezian no sentia mi oido .
Kuando me rekuerdo de sus kulpas...yoro
Porke eya era la mujer ke adoro.
Sus ojos senteyavan,su boka de rizas,
Sus manos,sus karas eran blankas i lizas.
Akeas miradas kon su boz i dulsura
Azian mas atraktiva su ermosura.
Kuando rekuerdo akea maldicha ora,
No puedo olvidar la pena ke me devora?
El rankontrarla kon otros medya dezmuda
Tremblando la mirava kon mi avla muda.
Maldigo al fuego ke muncho me enflami
Por tanto mas hue ordinarya mas la ami.

Haim Vitali Sadacca
Montreal

- Copyright © sefarad.org - 1997 - 2017

CONTACT

Retour au site sefarad.org -