Accueil - sefarad.org

Yo por mi

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Ken me va amar   a mi
i me va  alavar si no yo a mi-mizma ?

YO POR MI ....
ESTA SHAROPIKA DE MIL MARAVIYAS  !

Un maraviyozo diya empeso i yo esto
estirandomeeeeeeeee en tratando d'avrir
mis ojikos a la luz de la  demanyana :)

Ke ermozo sol i el balkoniko esta yenno
de flores de todas las kolores !
Ma un poko yelado de vedra.....

Oy mi te/chay de yervas tiene savor de
shokolata kon krema i pishkul !
Porke ?   Porke kero ansina !
No so bova de bever chay de yervas !
Me digo ke es shokolata kayinte i
tiyene mas savor !   No se puede bivir
sin imajinasyon del todo....El mundo
seriya muy grizo i enfasyozo ! 

Deke pensar ke esta sharopika en vedra
tiyene 67 anyos i es godra komo burekita
i nada de sharonfonfon komo kuando era
luzya ?  Mizma kon mi queue-de-cheval
i los fyongos de miliuna kolor ke le meto !

No es mas atraktivo de pensar ke es
hmmmmm komo la keriya ver ?   He ?
Ansina komo yo era antes !  Kale ke kite
mis viejas fotos i ke inche las paredes
komo albumes !!!  Para ke se achileye
mi  korason  !

Ma es kuryozo..Yo kuando me vo al espejo
me plazgo !    Lollllll Es porke me kero  bien
parese... Me embiyo un beziko, ago una
karesa ensima de mi kara,  ansina para
sintirme amada i akompanyada i la soriza
me viene pishinnnnnn !

Prefero askrivirvos kuando tengo una bueno
humor i no kara de bistru barminnam leshozzz  !
Traygo flores allado de esta ventanika,  la
noche asyendo kandelikas alegres i vaporizo
mi kantoniko kon los perfumes de artistas de
sinema :)  Para ke los eskritikos miyos salgan
kon ermozura i golores de flores !  Deke vos
estan plazyendo ?  Por esto  !   Pormodo del
perfum i de las flores i  de las kandelas aki    !!!!

Ke tengash un diya ermozo kon golores de rozas -
Komo akeyas, las petalas de laskualas azemos
dulse de roza !.... I amavosh muncho muncho...
Lo meresesh !

sharop duls

- Copyright © sefarad.org - 1997 - 2017

Retour au site sefarad.org -