Accueil - sefarad.org

No es en espantandomos ke podemos ganar la guerra kontra el kanser

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

NO ES EN ESPANTANDOMOS KE PUEDEMOS
GANAR LA GUERRA KONTRA EL KANSER  !
 
---------------------------------------------------------------------------
 
 

AY REMEDYOS NATURALES KE AYUDAN MIJOR
DE LOS TRATAMIENTOS MEDIKALES KE LO MAS
DEL TIEMPO NO SIERVEN A NADA…
 
I SON LOS MEDIKOS KE, POR FIN, LO KONFESARON
I LO DEKLARARON.

Keridos Amigos i mis amigitas,
 
Pensi ke nada puedriya ser mas interesante ke
saver las kozas simples de laskualas tenemos
una ideya ma no al punto de salvarmos o salvar
muestros keridos si un diya lo nesesitaremos…
Mos daremos las manos para entender estas
vedras ke fueron demonstradas tratando grupos
de hazinos kon la medisina konvensyonal i otros
grupos solo komo los trataron asigun los
prensipyos indikados por los medikos del Hospital
John Hopkins.
 
I…. No kale ser hazino para bivir de este modo !
Yo ya empesi…  Se salva del diabet, de la hiper
tensyon, del kolesterol, del pezgo eksesivo del
puerpo, de las hazinuras del korason, de la mala
sirkulasyon de la sangre en las venas, alimpya
el ilgado i los renes i munchos otros males…
Lo mas importante alarga la vida kon salud !
 
 
Una konfesion de la parte del Hospital
JOHN HOPKINS ke deklaro:

La chemioterapia, la radyoterapia i lo mas de
las intervensyones chirurgikalas no estan
puedyendo venser el KANSER !
 
1. Kale saver ke ay selulas kanserozas en kada
puerpo humano i estos no se pueden detektar
kon los testos standartos antes ke yegen a un
milliard de selulas de esta kategoriya.
 
2. Un sistem de inmunitad ke funksyona bien
en la persona puede ayudar a destruyir las
selulas kanserozas antes ke formen tumores.
 
3. La chemioterapia destruye selulas kanserozas
ma buenas tambien i da muncho danyo al tutano
de los guesos, al ilgado, al estomago i a los
intestinos, a los renes, al korason i a los pumones..
 
4. La radyasyon kema las selulas kanserozas ma
kema tambien i da grande danyo a las otras
selulas i los organos vitales.
 
5. Al empesijo es posivle de aminguar el tumor
kon la chemioterapia i la radioterapia ma dospues
de unas kuantas seansas estos no tienen dingun
efekto sovre el tumor aminguado.
 
6. El sistem de inmunitad puede fayeser o no
fonksyonar mas komo kale kon los toksines ke
se kargaron al puerpo en las seansas de
chimioterapia i radyoterapia. Esto avre puerta a
variyos infeksyones i komplikasyones muy
danjorozos para sobrebivir.
 
7. Las selulas kanserozas pueden mutarsen i
ganar rezistensya a la chimioterapia i a la
radyoterapia dunke seriya mas difisil de
destruyirlas.  Kon la chirurgia pueden saltar a
otras partes del puerpo.
 
8. La mijor manera de kombatir el kanser es de
deshar AMBIERTOS las selulas kanserozas!
 
a.   Estos se alimentan kon asukar !
El Aspartam (uzado lo mas al lugar del asukar)
es negro para el puerpo i danjorozo.  Se konseja
una poka kuantitad del miel de Manuka o kualker
miel pura. Uzar tambien el sal de mar o el amino
de Bragg al lugar del sal ke se emblankese kon
proseduras chimikas.
 
 
b.   No kale olvidar ke la leche kavza la formasyon
de una mukoza al interyor del sistem digestivo i el
kanser se alimenta kon la mukoza !  Se puede
uzar la leche de soya kon muy poko de miel al lugar
de la leche animal.
 
 
c.   El kanser se developa en medios asidos. Dunke
al lugar de la konsomasyon de karnes se deve
sin dinguna retisyon konsumar pishkado i poka
karne blanka de poyo. En la karne se enkuentra
antibiotikas de animales bivas, hormonos de
kreser i munchos parazitos ke son nefastos al ke
sufre del KANSER
 
 
d.   Para mantener el puerpo en un medio basiko
alkali se deve konsumir 80 por sien de jugos de
frutas i verduras freskas, sereales, granos,
garvansos i poka fruta. El 20 por sien puede ser
kompozado de verduras kozidas, kon fasulya
(beans/judias/haricots verts) lo mas. Jugos de
verduras freskas kontienen enzimes bivos ke
alimentan las selulas saludozas i permeten sus
produksyon rapidamente. Se absorban presto i
yegan a las selulas en 15 minutos. No kale
olvidarse ke los enzimes, tan nesesarios, se
destruiyen a 40 grados de temperatura. Se deve
de komer o bever el jugo de verduras krudas 2-3
vezes al diya.
 
 
e. Allesharse de la kafeina en el kafe, en el te,
en el chokolate. El te vedre es una buena
alternativa porke ayuda a kombatir la selulas
kanserozas. Kale bever agua filtrada i no la agua
de la fuente ke kontiene metales i toksines.
La agua distillada es asida i no kale beverla.
 
 
9.   Para digerar la karne se nesesitan munchos
enzimes. La karne ke no esta dijerada i ke keda
en los intestinos se deteryora i kavza la  akumulasyon
de los toksines.
 
 
10.  Las paredes de las selulas kanserozas son
echas de protein dura. Si no se kome karne del
todo o muy poko se puede ganar i liberar las
enzimes ke van a attakar las paredes de proteina
de estas selulas kanserozas i permetir ke las
selulas saludozas i ke matan las selulas hazinas
se enfuertesen.
 
 
11.   Es vedra tambien ke produktos komo IP6,
Floressence, Essiac, anti-oksidanes, vitaminas,
minerales, EFA ets. enfuertesen el sistem inmunolojiko
dunke se produize mas selulas ke matan las selulas
kanserozas. El vitamin E tambien ayuda a destruyir
las selulas ke no son nesesaryo para el organizmo.
 
 
12. El kanser es una hazinura del puerpo, de la
miente i de la neshama. Kombatir i venser el kanser
va depender muncho de no inyervarse, de saver
pardonar… La pena i los inyervos krean un medio
asido nefasto para la hazinura. Kale saver kerer
bien i no guadrar sentimentos malos para la salud.
Saver kedar kalmo i gozar de la vida.
 
 
13. Las selulas kanserozas no se developan ande
ay oksijen. Egzersizes diaryos i la absorpsyon del
oksijen respirando en medios sanos i limpyos va
ayudar a kombatir el kanser. La terapiya kon
oksijen es una alternativa para kurar el kanser.
 
En general no meter plastiko en el mikro-onda para
prezervarse del DIOXINE ke es un toksiko ke mata la
persona. De la mizma manera no meter bokales de
plastik en el refrijerator ke emiten el dioxine kuando
se yelan.
 
 
Diyas alegres, muncha salud i kerensya sin limito
en vuestras vidas.
 
 
SHAROPE BLANCO

- Copyright © sefarad.org - 1997 - 2018

Retour au site sefarad.org -