Accueil - sefarad.org

Tonteriyas... avlamos espanyol ! Robertiko presyado de la granmama,

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

TONTERIYAS..... AVLAMOS ESPANYOL  !
 
 
Robertiko presyado de la granmama,
 
No me la inyerves a Sharopika porke iene muncha
razon. Eya no es un skeriko ma un komandante ke
tiene l derecho i la alta autoritad de efender su lingua,
mi lingua i la e mis padres... Ande oyimos Ladino en
muestras kazas barminam ?   Eh ? Avlimos todos en
Judyo, en Espanyol o en Judeo Espanyol...
Saves kualo es ladino en lingua goy ?
Ladron ! Es ansina ke se burlan de mozotros !
I para ke, s'il te plait ? Para un ex prezidente de
Israel ke se estava bushkando ke azer en la vida .....
Tener mas honores, viajar, ser a la kavesa de un
serklo d'amigos i ganar paras !
No lo saviyas ? El i un punyado de  personas ke ni
saven la lingua komo benadam, en todo kavzo unos
de eyos, kitaron la permision del Keneset i se izyeron
ALTA AUTORITAD de sus pulgas !  Mas de 300 000
sefaradim somos en el mundo... Ken les dyo la Autoritad
de trokar el nombre de muestra lingua ?  yos, de si
para si desidyeron de kitar Marika i meter Tasula !!!
No es ansina ijiko miyo, lo bueno de mi kazika !
No se aze ansina...
 
Sharopika avla djusto ! Defende su lingua, su erensya,
su kultura i la vedra !  No kere ni oyir esta mintira, una
grande error ke se esta kometyendo al nombre de los
interesos de siertas personas. Yo de ande esto la bendigo
por esto. Esta no tyene friyo en los ojos. Un grande
komandante la Sharopika ! La ke barre los kantonikos de
Sefaradimuestro,la ke ama todos sus keridos  kon su korason
de miel i de plumas.... Azele konfiensya pashayiko... Save
lo ke dize.
 
De ande esto te abraso kon grande karinyo ijiko presyado
 de la
 
GRANMAMA
(Sharope blanco)
----------------------------------------------------------------------------
Kerido Robert,
No keremos kitarmos la identitad Espanyola
ma al kontraryo guadrarla porke somos orijinaryos
de la Peninsula Iberika. Es la tierra de muestros
ansestros tambien, tan valorozo ke guadramos mas
de 500 anyos muestra lingua, muestra kultura i
rekuerdos,dulses i muy amargos en mizmo tiempo.
Es aya ke el Sefaradizmo i el Judaizmo bivyo su
Edad de Oro, se eskrivyeron los livros Santos en
lingua liturgika ke es el Ladino kon letras kuadradas
(Rashi)  se dezvelopo la  filozofiya del Judaizmo kon
los mas illustros savyos de muestro puevlo.
 
La grafiya de muestra lingua era asemejante la del
Castillano por sieglos. Es una gazeta en Turkiya ke
desidyo ke los judyos de Turkia meldariyan mijor si se
eskriviya en Turko...(Es en Turko ke esto eskrivyendo
esta letra)  Esto kedo...No me deranja tanto.
Ma no kijyera del todo modifiar las letras ke me embiyan
kon la grafiya Castillana. La vedra ke es mas authentika !
 
A parte de esto es vedra ke en Venezuela i n Argentina
por egzemplo la lingua avlada asemeja mas al Judeo
Espanyol ke a la lingua avlada oy en diya en Espanya.
Ma esto no es relevante de toda manera.
En toda kavzo SEFARADIMUESTRO rechesa el nombre
de muestra lingua akseptada por una autoritad ke no es
dinguna autoritad a mis ojos i siempre kontinuara de
nombrarla Espanyol Sefaradi, judeo-Espanyol, el Judyo
o Espanyol simplamente komo se diziya en mi kaza.
Karinyossssssssss
Shar

- Copyright © sefarad.org - 1997 - 2017

Retour au site sefarad.org -