Accueil - sefarad.org

Savyedura........

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

Keridos Amigos i mis Amigitas
 
El mijor a la forka... diziyan unos ! 
No es ermozo.... Lo se !
Ma en vezes kitan unas kozas
muy savyas !  Proverbos mizmo....

No digas todo lo ke saves
No agas todo lo ke puedes
No kreyas todo lo ke oyes
No gastes todo lo ke tyenes
 
 
PORKE
 
Ken dize todo lo ke save
Ken aze todo lo ke puede
Ken kreye a todo lo ke oye
I hasta todo lo ke tyene
 
 
MUNCHAS VEZES
 
Dize lo ke no konviene
Aze lo ke no deve
Juzga lo ke no ve
I gasta lo ke no puede.....

-----
 
Woody Allen dize

ke ser intelijente es un avantaje
porke este puede finyir de ser
un imbesil ma el kontraryo no es posivle !
 
No!  No so yo la intelijente es Eliseo
ke lo dize  :)
 
------
 
Me plazyo esto de Jose Marti (1853-1895)
ke nunka oyi avlar de el !.... No es su kulpa
por seguro ma la miya !  I ke vedra ke lo dize !
 
Es triste de no tener amigos ma mas triste
es no tener enemigos !  Porke esto kere dizir
ke la persona
 
NO TYENE TALENTO   ke da envidya
NO BYENES  ke la gente se selan
NO KARAKTER  ke impresyona
NO PODER  ke da espanto
NI HONOR  de la kuala se avla
NI DINGUNA KOZA  ke buraka los ojos !
 
----------

I una ermoza deskripsyon de Di-o.....

El chiko le demando a su padre de ke
grandor es el Di-o.  El padre le mostro
un avion ke estava pasando en el sielo
-  Ke grandor es este avion ?
-  Muy chiko... Difisil mizmo de verlo !
El padre yevo el chiko a un aeropuerto
-  Ke grandor es este avion ?
-  Es enorme papi !
 
 
-  DI-O  ES ANSINA.... SU  GRANDOR VA
DEPENDER DE LA DISTANSYA ENTRE
VOZOTROS.  KUANTO MAS SERKA SERAS
A EL MAS GRANDE SERA EL EN TU VIDA...
 
------
 
EL PAPA FRANSISKO  DIZE  :
 
El ke se ekskuza es VAYENTE
El ke perdona es  FUERTE
El ke olvida es  FELIS
Yo le do razon !
 
-----------

I mi kerido Einsteiniko ke kito de su
aldikera arugada  :
 
Di-o no kriyo el mal...
El mal rezulta de la absensya de Di-o en
el korason...
 
Yo lo amo a este hombre !
 
 
 Sharope blanco

- Copyright © sefarad.org - 1997 - 2017

Retour au site sefarad.org -