Accueil - sefarad.org

Anyo viejo bueno para el kashon

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

ANYO VIEJO BUENO PARA EL KASHON !


Muestro kalendaryiziko se eskapo !
Guay guay ke otr'un anyo se bolo !
Mijor allegrarmos o yorar ?
Yo no entyendo deke fiestar !
Fiestar por envejeserse, kuryozo !
Ke mos sale si el anyo es viejo o muevo !


Las memoryas se akumulan en el kashon !
Fotografiyas, letras, hazinuras, al kanton !
Diyas del Di-o no se eskapan
Son los hombres ke se van..
Un kurto viaje para irmos a la Otra Parte
No lo vemos del mundo ma kreyemos ke egziste.
Ke dizes ke se fiesta aya ?
Puedeser kuando al mundo se torna ?


Ke se yo !  Ke digo !
De ande kito todo esto !
Se fiesta ?  A la buena hora ! Fiestaremos !
Fiestas si, i no malas horas konoseremos !
Baylar se disho ?  Kantar i emborrachar ?
Deke no ?  Ke ayga siempre okazyones para gozar
Tomar plazer de la vida sin pensar i mayuyar !
Keyf de bivir para esta noche ke se invento !
Si para nada es, vale la pena por el dulse bezo !
A todos los amigos regalikos kon muncho karinyo !


Sharope blanco
31 de Disiembre 2009
 

- Copyright © sefarad.org - 1997 - 2017

Retour au site sefarad.org -