Accueil - sefarad.org

Yo ?

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

YO   ?


 Kijyera durmir
 i no azer
 Nadaaaaaa,
 Desharme bivir
 Espandida en la yerva                                                          
 Los ojos a mitad serrados,
 Soriyendo
 Avlando al ayre,
 A los ke m'estan oyendo
 Dizyendoles ke el tiempo
 Passa koryendo
 I ke esto kansada,
 Solo kero durmir de muevo

 

  Kijyera nadar
  En las aguas freskas de los rios
  Limpyas i klaras !
  En el vedre profundo de los lagos
  Sin pensar al ritorno,
  Nadar muncho, aleshandome,
  Partir leshos
  Ande los kantos son mistikos siempre
  Peryer mis fuersas
  I desharme ir kon el koryente
  Soriyendo mas...
  Bolando ensima de las aguas,
  Alegre !

 

   Ke son estas korridas,
   Kerer eskapar kon las kozas !
   Mas bolsas para inchir,
   Dospues presto vazyar otras ..
   Pensar para mas arrekojer,
   Firyir sin kudyo, ma tener !
   Tener kualo ? 
   Todo va kedar aki !
   Basta de trayer !
   Basta los jugos de fama, el orgulyo !
   Basta de mas kerer !
   Es la anksietad ke tiene un rolo,
   Ni el odyo va dezapareser !

   Sharope blanco

- Copyright © sefarad.org - 1997 - 2017

Retour au site sefarad.org -