Accueil - sefarad.org

El Angelo Blanko

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;


Dedikado a mi Rabbi Sefaradi
Sir Rav Dr. Charles Barouh Abraham  PhD  KtB
TEXAS - USA




EL ANGELO BLANKO


El Angelo en su guerta de pinos i de buena fruta
Para kompartir su yerva, su azeytuna i su pita
Anjelito blanko del Ganeden, sin sus alas abashado
Para mi, para ti, para este mundo i el otro lado


Echa piedras presyozas, piesas de su grande trezoro
Echa barkos de plata kon velas de seda i ramos de oro
A las aguas klaras de su lago, kon olas indo i vinyendo
Santos lo saludan, vienen de siete partes del mundo


Rabbi, Rabbi, oye mi boz, mi kanto, es mi loka alegriya
Estas, mos kontas, mos arregalas kon dulsor i modestiya
Rabbi, Rabbi, siente mi korason batir, en ke maraviya
Kanta tu nombre en mis orasyones i alava tu savyedura.


No kero bivir diya mas, sin sintirte kon mozotros
Es tu prezensya ke enkanta todos, muestros miembros
Sefaradimuestro t'aspera i s'alimenta de tus eskritos
Angelito del Di-o, Angelo bendicho para mis ermanitos


Kon la demanyana respiro l'aire fresko del blu del sielo
Nuvlas blankas komo novyas timidas se moeven en lo puro
Nuvlas de luvya a vezes, humidas i grizas komo el umo
Las miro i miro. Nuvlas ke te yevaran mi amor i mi saludo


Sharope blanco
 
 

- Copyright © sefarad.org - 1997 - 2017

Retour au site sefarad.org -