Accueil - sefarad.org

Korason de plumas

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

KORASON DE PLUMAS
 
 
 
Dos biervos le kero dizir al destino
A el ke me dyo este endezeavle regalo !
Un korason de plumas
Bolando las tadres
En deskonosidos lugares,
Kansandose detras
Las ojas vedres de los arvoles
Ke boltan en sus dansas kon los aiyres
Bolando komo parparos multikolores
En la kayinte freskor de la primavera
Liberada de su blanka kadena
Sin dinguna pezgor en sus pies.
 
 
Korason kon alas livyanas
Entrando a las guertas,
Sonando a las puertas,
Sin deskansar,
Sin akseptar de kedar de bolar...
 
 
Me da timides
Tan orgulyoza libertad,
Destruizir duras paredes
Para bivir una deskarada soledad...
 
 
Korason de plumas,
Mi mizerya i mis lagrimas
Ke vas bolando nochadas enteras ?
Komo te arrekaynto i te arrekojo
En los kantones de mi dulse puerpo ?
Komo te kalmo i te arresento,
Te yamo de los leshos a tu nido ?
 
 
Korason de plumas
Sos el dezgrasyado regalo
Del ironiko i krual destino...
Kuando te nesesito, no te tengo.
I kuando mijor es ke estes kedo
Te veygo konfrontandome !
Harselandome i soriyendo !
Sos mi dolor i mi odyo
Por no entender razon.
Tomarte por un leon,
Alora ke sos solo un korason !
Mi korasoniko de miel i de oro...
Ke saves del fuego i del umo ?
Para ke bates alas komo el parparo ?
Es tiempo de la kayades !
De gozar del mundo olvidando la manseves !
Torna de tus vuolos lokos...
No puedo irme detras de tus kaprichios
Un diya amorozos el segundo kon inyervos !
Basta de tus inkreyivles dezeyos !
Korason de plumas de tonos maraviyozos
Estate kon mi  i mos enviejeseremos enjuntos !
 
 
Sharope blanco
20. 4. 2010

- Copyright © sefarad.org - 1997 - 2017

Retour au site sefarad.org -