Accueil - sefarad.org

Diya de nieve

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

DIYA DE NIEVE


En los dalkavos diyas de Enero
Una fina nieve kaye en el entorno.
El blanko dayinda no apanyo..
Un perro pasa, entezado entero.
Se firye mi alma, m'esfuerso
Para no yamarlo, no tomarlo !


De mi ventana se ve el frio,
Los pasharos yelandosen i bushkando
Una chimeneya vazyando su umo.
Los umos de las kazas, kayintando
Las alas yeladas i tremblando...
El biko entre las plumas eskondido..


Me siento bien, ke kuryozo !
No tengo ambre, esto al seko..
Esta kayintiko aki, repozado
No manka nada, esta en su lugar todo..
Me trava mi kanton i el kavesaliko
Una dulse kayintor kuando eskrivo.


Me da verguensa este lukso
No bivo de agua i de pan seko.
No esto hazina i no tengo espanto
Mi vida es un plazer perpetuo..
Ay unos ke tienen ambre i friyo
No tienen supa ni mizmo karinyo...


La niyeve kaye en los kaminos
Komo plumas livyanas en pedasos
Baylan grasyozas delantre de mis ojos
Las kero tomar entre mis manos
Ma se derriten entre los dedos !
Los flokones bolandosen kon los ventos...


Sharope blanco

 

- Copyright © sefarad.org - 1997 - 2017

Retour au site sefarad.org -