Accueil - sefarad.org

Yo te amo en todas las kolores

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

YO TE AMO EN TODAS LAS KOLORES

 

Ayer mirando a las olas i a las flores
Pensi ke te amo en todas las kolores


  Te amo komo todas las amorozas en ROZ
  Para ke mizmo de leshos sientas mi boz


    Ay una kolor ke su briyo nunka lo piedre
    Avlo de la kolor de la amistad ; el VEDRE


      Te amo en vedre para ke me keras siempre
      El vedre de las ojas ke chuflan kon el ayre.


        Lo mijor me siento kuando te amo en "BLUE"  !
        Alora me viene d'aryento dizir "I love you  !"


          Kreyeme, nunka me lo imajinariya "It's true !"
          L'amor es loko i te amo "You haven't a clue !"


            Kijyera diya i noche sintirte a mi lado
            Mis dezeyos me yevan... i te amo en KOROLADO


              Mis ojos te bushkan en el sielo nuvlado
              Aboko mi kavesa, se ke bives en un otro mundo !


                Empeso a amarte en GRIZO i veygo todo aleskuro
                Una tristesa pasa, las lagrimas no son un yoro


                  No..No ! Te amo solo en AMARIYO de vedra !
                  La kolor del eskarinyo pezgado kom'una piedra


                    Es un marbro ensima de mi korason el eskarinyo
                    Solo en PRETO o en BLANKO bivo mi immenso karinyo !

 

                                                Sharope blanco
                 

- Copyright © sefarad.org - 1997 - 2017

Retour au site sefarad.org -