Accueil - sefarad.org

El peshkador

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

EL PESHKADOR


Peshkador de mis suenyos
Ven baylaremos i mos divertiremos
Kon las olas i los vientos furyozos
Yevame kon ti a los leshos
Ande nasen muestros suenyos...
 
 
Peshkador kerido de las mares
Ijo  de los oseanos i de las Sirenes
Echa kon amor los finos files
Antes del abraso del sol kon el sielo
I del bezo del lunar kon las aguas tremblando
 
 
Oye mis versos serka de tus oyidos
Es un kanto mas fuerte de los tirguelos
Se siente la tempesta de mis batimientos
El fuego de la kalor de mis manos
Una larga mirada al profundo de tus ojos


Peshkador vez las estreyas arriva ?
Son las luzizikas de kada soriza i soriza !
Las estreyas se allegran i briyan mas i mas
Se arezvalan i kayen ensima de las aguas
Beveremos a la beraha ke trayeran las olas !


Amanesyo... Estas kansado...
Ven para arrepozar a mi lado...
Desha tu kavesa pezgada ensima de mis piernas...
El esuenyo enkadena mizmo los pasharos kon alas
Bola kon tus suenyos ... Yega a las plajas doradas...


Sharope blanco
3. 9. 2010

- Copyright © sefarad.org - 1997 - 2017

Retour au site sefarad.org -