Accueil - sefarad.org

Padre piedoso en los sileos

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

 
 
 

PADRE PIADOZO EN LOS SILEOS

 

Si me demandavan hombres vinidos de los sielos
Ke seriyan, mismo imposivle, mis sinseros dezeyos
Les arresponderiya : Tengo de vedra muy munchos
No todos son para mi, ma para mis keridos !


Si me diriyan "Avla, te los daremos !"
Komo me iva alegrar kon rizas i yoros
Iva kerer todo ! Kontentar a todos
Kurar mis amados i todos los animalitos.


Si me diziyan mirandome : "Ke mas keres, avla !"
Les diriya "M'eskarinyo muy muncho de mi mamita.
La kero tanto ver! No me basto !..Trayedmela !
Ma la kero dandosen las manos enjuntos kon mi papa.


Si me diziyan, un otro solo dezeo te kedo
Pensa porke no demandates nada de bueno
Ni bienes para ti, ni joyas ni kaza mizmo
Te keremos dar por fin lo ke dezeyas, todo !


Les diriya este vez, kero konoser la felisitad.
Bivir un tiempo en el tiempo en entera libertad
Sintir muy profundo el plazer el mas alto
Ke dingun oro puede lograr en el mundo...


Les diriya no me basto la amistad ni el amor
Ni el fuego de mi sangre kon toda su vigor
No me basto el karinyo ke resivi, letras, poziyas
Pagi a kada uno kon su demaziya. No tengo devdas !


Kijyera gritar, asuvir a un monte i yorar, yamar
Kijyera yegar arriva piernas i pies firyidos i rogar
".A. konosko Tu Buendad, lo ke me dates sin demandar
Rekonosko Tu Jenerozitad a mi korason ke save amar.


"Di-o Poderozo, Padre del mundo, ande esta Tu Piadad ?
El Malo korre por las kayes, ambre i sed en la sivdad !
No kedaron palomas .. Se los englutyeron los kuervos
Las plumas briyando, duros, orguyozos i de preto vistidos"


"Padre Piadozo, aze konosermos la Paz..
Veremos kon tu Luz...Ke no mos duela mas !
Ke no ayga mas sufriensyas i gerras, keremos bivir !
Biveromos ermanos kon tu Nombre para nunka murir. "


Sharope blanco

- Copyright © sefarad.org - 1997 - 2018

Retour au site sefarad.org -