Accueil - sefarad.org

Falsa manseves

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

FALSA MANSEVES

 


Komo el tiempo paso ?
Ken se lo englutyo ?
Kada fotografiya arasta mil otras detras...
Kada rikuerdo es sorizas o lagrimas...
Kijyera tornar  a los diyas de mi innosensya
Mis rizas felis, mis korridas sin kanserya
Kuando puediya gozar de baylar sin kedar
Arezvalarme de las rokas sin pensar..
Luchar kon las olas, nadar i mas nadar
Bolar en mis suenyos i akodrar
Kada mirada, kada biervo, sin espanto de amar !
Sin el kudyado de la manyana, kon temeritad
Segura de mi mizma i de mi kapasitad,
Mi kapasitad de bivir fina l'eternitad !

 


Ah ! Manseves falsa i mintiroza...
Komo tienes este pueder i esta fuerza !
Komo todo paresiya fasil i se lograva komo nada !
De ande te viene esta desafiadera konfienza ?
Burlarte de la vida, sin nesesitar la arogansya
Sin ke duela  el braso, l'espalda o la pierna ...
Sin demandarte ke te aspera en el futuro
Mirar al prezente i desfrutar del momento mizmo !
Abrasar el diya, kual ke seya, kon djoya i animo..
Abrasar el ayre ke karesa kon dulsurya
Mas suave d'un namorado sin pasensya !
Ver luvyas de diamantes i petalas de rozas
Kayendo ensima de los kaveyos en libertad
Oyir melodiyas enkantadoras d'amor i de amistad.
 
 
Sharope blanco
 

- Copyright © sefarad.org - 1997 - 2017

Retour au site sefarad.org -