Accueil - sefarad.org

........ Mi kaza es Israel !

    MENU    

SEFARAD.org
ESKRITOS de savor
RESHETAS
AIDEZ-nous
Page PRECEDENTE;

............ MI KAZA ES ISRAEL !
 
 
 
Kon el avatiah o kon el falafel,
I Yoram Gaon ke me muero por el,
No puedo bivir leshos del Kotel
I no importa Tel Aviv o Beit El !
 
 
 
Komo no amar la Galil vedre i freska,
Muestra sangre, el lago de Tiverya !
La joya i la Reyna del Desierto, Beersheva.
L'elegante sivdad i las plajes d'Herzeliya !
 
 

Israel, el puerto kalmo ande vengo para abrigarme
De todas las angustyas de este mundo i arregalarme...
Israel ke me ama i avre sus brasos komo una madre,
Mi orgulyo i mi kastilyo a la kuala siempre ritornare.
 
 

Avlo kon las gaviotas en los bodres de Yafo
I baylo arezvalandome de la kolina abasho !
K'ermozo ke izo mi puevlo el viejo puerto !
Yafo mistika, Yafo atika, Yafo kom'un suenyo !
 
 

Kamino en las kayas de Tel Aviv kansada del bruido.
Todos estan impasyentes, tienen de yegar a sus echo.
La mar sin kavo al horizonte, ke splendor ke briyo !
Soriyo a los mansevos, a las kreaturas alegres i riendo.
 
 

Amo Haifa, ir kon treno a su puerto i al Carmel arriva
Ande briya el Sanktuaryo Bahai i el Gan ha Em kon solombra,
Un diya de relakso, para pasear, komyendo humus kon pita,
Tomar un kafe kon las amigitas, gozar de todo i de la vida
 
 

Sharope blanco

- Copyright © sefarad.org - 1997 - 2017

Retour au site sefarad.org -